लखनऊनगरम्, 13 मे-मासः। बुधवासरात् राज्यपरिषदि, कस्तूरबागान्धी-बालिका-विद्यालयेषु च 'भारतीयभाषा-ग्रीष्मकालीन-शिबिरम्-2026' आयोज्यते। भारतसर्वकारस्य शिक्षा-मन्त्रालयस्य निर्देशानुसारं आयोजितस्य विशेषशिबिरस्य सञ्चालनं 13 मे-मासतः 19 मे-मासः 2026 पर्यन्तं भविष्यति। शिबिरस्य उद्घाटनं केन्द्रीयशिक्षामन्त्री करिष्यति।

मूलभूत-शिक्षा-राज्यमन्त्री (स्वतन्त्र-प्रभारः) सन्दीपसिंहः अवदत् यत् नूतन-शिक्षा-नीतिः-2020 इत्यस्य अनुरूपं बालानां भारतीयभाषाभिः, लोक-परम्पराभिः, सांस्कृतिकमूल्यैः च सम्पर्कः अतीव महत्त्वपूर्णः अस्ति इति। सः अवदत् यत् भारतीयभाषा-ग्रीष्मकालीन-शिबिरं-2026 बालकेषु भाषिकप्रावीण्यस्य, सृजनात्मकतायाः, आत्मविश्वासस्य च विकासस्य महत्त्वपूर्णं माध्यमं भविष्यति इति। अस्य शिबिरस्य माध्यमेन छात्राः स्वमातृभाषायाः भारतीयभाषाणां च समृद्धां परम्परां अवगन्तुं, अङ्गीकर्तुं च अवसरं प्राप्स्यन्ति।

विद्यालयशिक्षायाः महानिदेशिका मोनिकारानी सर्वेभ्यः डी.ऐईटी.-मुख्याध्यापकान्, मूलभूतशिक्षायाः अधिकारिणः, खण्डशिक्षायाः अधिकारिणः, मण्डल-समन्वयकाः च शिबिरस्य प्रभावात्माकम् आचरणं सुनिश्चेतुं निर्दिष्टा। सा अवदत् यत् शिबिरस्य समये भारतीयभाषाभिः, लोकसंस्कृतेः, कथा-कथनस्य, काव्यस्य, संवादस्य, गीतस्य, नाटकस्य तथा अन्यैः सृजनात्मक-क्रियाकलापैः सह छात्राणां सम्पर्कस्य विषये विशेषं बलं दीयते।

शिबिरे सञ्चाल्यमानानां क्रियाकलापानां सूचिता सूची अपि विभागेन सर्वेभ्यः मण्डलेभ्यः उपलभ्यन्ते। अपि च, स्थानीयस्तरे कार्यं कुर्वतां स्वयंसेवीसंस्थानां साहाय्येन कार्यक्रमान् अधिकफलप्रदं आकर्षकं च कर्तुं निर्देशाः दत्ताः सन्ति। शिबिरस्य आयोजनस्य व्ययः विद्यालयानां संयुक्त-अनुदानेन भविष्यति।

Hindusthan Samachar / Divya Ranjan