लखनऊ-नगरम्, १३ मईमासः (हि.स.)। उत्तरप्रदेशस्य पूर्व-मुख्यमन्त्रिणः ‘पद्म-विभूषण’-सम्मानितस्य स्वर्गीय-मुलायम-सिंह-यादवस्य पुत्रस्य उत्तरप्रदेश-राज्य-महिला-आयोगस्य उपाध्यक्षायाः अपर्णा-यादवस्य पतिः प्रतीक-यादवस्य आकस्मिक-निधने मुख्यमन्त्री योगी-आदित्यनाथः शोकं व्यक्तवान्। मुख्यमन्त्री सामाजिक-माध्यम-लेखे लिखितवान् यत् “प्रतीक-यादवस्य निधनम् अत्यन्तं दुःखदम् अस्ति। विनम्रा श्रद्धाञ्जलिः। मम संवेदनाः शोकसन्तप्त-परिजनैः सह सन्ति। प्रभु-श्रीरामात् प्रार्थये यत् दिवंगत-आत्मनः सद्गतिः भवेत् तथा च शोकाकुल-परिजनानाम् एतत् अथाह-दुःखं सोढुं शक्तिः प्रदीयताम्।”एतस्य अतिरिक्तं उत्तरप्रदेशस्य उप-मुख्यमन्त्री केशव-प्रसाद-मौर्यः बृजेश-पाठकश्च अपि प्रतीक-यादवस्य निधनस्य विषये शोकं व्यक्तवन्तौ।

प्रतीक-यादवस्य बुधवासरे लखनऊ-नगरे निधनम् अभवत्। तस्य आयुः केवलं ३८ वर्षाणि आसीत्। सिविल-चिकित्सालयस्य चिकित्सकानां अनुसारं प्रतीक-यादवः प्रातः ६ वादने सिविल-चिकित्सालयं नीतः आसीत्। चिकित्सालयं प्राप्तुं पूर्वमेव तस्य मृत्युः अभवत्। पुलिस-विभागः तस्य शवं शव-परीक्षणार्थं नीतवान्।

प्रतीक-यादवः स्वास्थ्य-सौष्ठवस्य विषये अत्यन्तं सजगः आसीत्। सः समाजवादी-पक्षस्य संस्थापकस्य स्वर्गीय-मुलायम-सिंह-यादवस्य द्वितीय-पत्न्याः साधना-गुप्तायाः पुत्रः आसीत्। तस्य पत्नी अपर्णा-यादवः भाजपा-दलस्य नेतृ तथा च उत्तरप्रदेश-राज्य-महिला-आयोगस्य उपाध्यक्षः अस्ति। सः समाजवादी-पक्षस्य प्रमुखस्य उत्तरप्रदेशस्य पूर्व-मुख्यमन्त्रिणः अखिलेश-यादवस्य सापत्न-भ्राता आसीत्।

हिन्दुस्थान समाचार / अंशु गुप्ता