नवदेहली, 13 मे-मास:,

राष्ट्रपतिः द्रौपदीमुर्मू बुधवासरे राष्ट्रपतिभवने देशस्य पूर्वराष्ट्रपतेः फखरुद्दीन् अली अहमद् इत्यस्य जन्मवार्षिकस्य अवसरे तस्य चित्रे पुष्पाणि असमर्पयत्। अस्मिन् अवसरे केन्द्रीयमन्त्रिणः नितिन-गडकरी, काङ्ग्रेस-पक्षस्य सांसदः डा.सैयद-नसीर-हुसैन: च एक्स-पोस्ट्-द्वारा तं प्रति श्रद्धाञ्जलिम् असमर्पयन्।

भारतस्य पूर्वराष्ट्रपतिः फक्रुद्दीन-अली-अहमद-वर्यस्य जन्मवार्षिकदिने राष्ट्रपतिभवने पुष्पाणि समर्पितवान् इति राष्ट्रपतेः आधिकारिकस्य एक्स-इत्यत्र लिखितम् आसीत्।

केन्द्रीय-मार्ग-परिवहन-राजमार्ग-मन्त्री नितिन-गडकरी-वर्यः एक्स-पोस्ट्-द्वारा जन्मवार्षिकस्य अवसरे नम्रतया शुभाशयाः प्रेषितवान्। काङ्ग्रेस-पक्षस्य सांसदः डा.सैयद-नसीर-हुसैन-इत्येषः अकथयत् यत् फखरुद्दीन-अल-अहमदस्य राष्ट्राय समर्पणं, संवैधानिकमूल्यानां लोक-तान्त्रिकसंस्था: च प्रति प्रतिबद्धतां च अग्रिम-वंशं यावत् प्रेरयिष्यति इति।

फखरुद्दीन्-अली-अहमद: भारतस्य पञ्चमः राष्ट्रपतिः आसीत्। सः देहलीनगरे 13 मे-मासे 1905 तमे इत्यत्र अजायत, अपि च कार्यालये एव नवदेहलीनगरे 11 फरवरीमासे 1977 तमे मृतः। सः व्यवसाये अधिवक्ता आसीत्, स्वातन्त्र्य-संग्रामे च सक्रियां भूमिकां निरवहत्। 1942 तमे वर्षे क्विट्-इण्डिया-आन्दोलने अपि सः गृहीतः। जवाहरलालनेहरू-वर्यस्य निकटसहयोगी अहमद-वर्यः असम-राज्ये स्वस्य राजनैतिकजीवनस्य आरम्भं कृतवान्, सांसदत्वेन बहुवारं निर्वाचितः च अभवत्। सः केन्द्रसर्वकारे शिक्षा, सिञ्चन, विद्युत्, उद्योगः, कृषिः इत्यादीनां विभागान् अवहत्।

सः 1974 तः 1977 पर्यन्तं राष्ट्रपतिः आसीत्, तस्य कार्यकाले एव 1975 तमे वर्षे आपत्कालः आरोपितः। सः भारतस्य द्वितीयः राष्ट्रपतिः आसीत् यः कार्यालये एव मृतः। तस्य योगदानस्य सम्मानार्थं उत्तरप्रदेश-सर्वकारः 1976 तमे वर्षे फखरुद्दीन्-अली-अहमद्-स्मारक-समितिं निरमात्, या अद्यापि उर्दू-अरबी-फारसी-छात्राणां कृते स्वर्णपदकं, छात्रवृत्तिः च प्रददाति। उर्दू-साहित्यस्य, भाषायाः च प्रचारार्थं, प्रचारार्थं च समितिः पि.एच.डी. तथा डि.लिट. शोधविदुषे अपि आर्थिकसाहाय्यं प्रददाति।

Hindusthan Samachar / Divya Ranjan