Enter your Email Address to subscribe to our newsletters
लखनऊ, 13 मईमासः (हि.स.)। भारतीयजनतापार्टीदलस्य महिला मोर्चस्य पक्षतः बुधवासरे प्रदेशस्य सर्वेषु जिलामुख्यालयेषु आयोजनीयः विरोधप्रदर्शनकार्यक्रमः स्थगितः कृतः अस्ति। भाजपा नेतुः तथा महिला आयोगस्य उपाध्यक्षायाः अपर्णा यादवस्य पतिः प्रतीक यादवस्य निधनानन्तरं भाजपा प्रदेशाध्यक्षस्य पंकज चौधरी महोदयस्य निर्देशानुसारं भाजपा महिला मोर्चस्य विरोधकार्यक्रमः स्थगितः कृतः।
भाजपा प्रदेशाध्यक्षः स्वीयां संवेदनां प्रकटयन् उक्तवान् यत् अपर्णा यादवस्य पतिः प्रतीक यादवस्य निधनस्य समाचारः अत्यन्तं दुःखदः अस्ति। अस्मिन् कठिनसमये मम संवेदनाः शोकसंतप्तपरिवारस्य सह सन्ति। ईश्वरः दिवंगतात्मनः स्वश्रीचरणेषु स्थानं ददातु तथा परिवाराय एतस्य अपरिमितदुःखस्य सहनशक्तिं प्रददातु।
उल्लेखनीयम् अस्ति यत् समाजवादीपार्टीदलस्य सांसदेन प्रधानमन्त्रिणः नरेन्द्र मोदी महोदयस्य प्रति कृता अमर्यादिता अशोभनीया च टिप्पणी इत्यस्य विरोधे प्रदेशस्य सर्वेषु जिलामुख्यालयेषु भाजपा दलस्य विरोधप्रदर्शनकार्यक्रमः निर्धारितः आसीत्।
---------------
हिन्दुस्थान समाचार