सिलिगुडीनगरम्, 14 मईमासः। राज्ये नूतनसर्वकारस्य निर्माणानन्तरं गुरुवासरे सिलिगुडी-महाविद्यालये अखिल-भारतीय-विद्यार्थी-परिषदा (ए.बी.वी.पी.) 'अभिवादन-यात्रा' तथा 'विजय-तिलकम्' इति कार्यक्रमः आयोजितः।

पदयात्रा बाघाजतीन-उद्यानात् आरभ्य नगरस्य विभिन्नेषु मार्गेषु गत्वा सिलिगुडी-महाविद्यालयस्य परिसरं प्राप्नोत्, यस्मिन् संस्थायाः बहुसङ्ख्यकाः सदस्याः समर्थकाः च उपस्थिताः आसन्।

महाविद्यालयं प्राप्य ए.बी.वी.पी.-कार्यकर्तारः छात्राणां तथा सामान्यजनानां कपाले विजयतिलकं प्रयुज्य अभिवादम् अकुर्वन्।

अस्मिन् काले सम्पूर्णे महाविद्यालय-परिसरे उत्सवस्य वातावरणम् दृष्टम्।

राज्ये परिवर्तितं राजनैतिकं परिदृश्यं यूनां कृते नूतनां आशां आनयत् इति सङ्घटनम् अवोचत्।

ए.बी.वी.पी.नेतारः अवदन् यत् अस्य कार्यक्रमस्य उद्देश्यं छात्रसमुदायस्य हितस्य रक्षणं, शैक्षणिकसंस्थासु सकारात्मकं वातावरणम् च कल्पयेत् इति। सः अपि अवदत् यत् भविष्ये छात्राणां कल्याणार्थं, सामाजिकविषयेषु च एतादृशानि अधिकानि आयोजनानि आयोजयिष्यन्ते इति।

Hindusthan Samachar / Divya Ranjan