राँचीनगरम्, 14 मईमासः। सेण्ट्रल-कोल्फील्ड्स-लिमिटेड् (सी.सी.एल.) इत्यस्यैः संस्थायै उत्कृष्ट-कार्पोरेट-सामाजिक-दायित्वस्य (सी.एस.आर.) उपक्रमाणां कृते प्रतिष्ठितेन ग्रीन-टेक-सी.एस.आर.इण्डिया-प्लाटिनं-पुरस्कारेण सम्मानितम्।

सी.सी.एल.-संस्थायाः हजारीबाग-अङ्गार-खननक्षेत्रे आरब्धायाः समग्र-सामुदायिक-विकास-परियोजनायाः कृते एतत् सम्मानं प्रदत्तम्, येन परितः नवग्रामेषु प्रायः 5000 परिवाराणां जीवने महान्तं सकारात्मकं परिवर्तनं जातम् इति सी.सी.एल.संस्थायाः पत्रिका-प्रकाशनम् गुरुवासरे अवदत्।

नवदेहली-नगरे आयोजिते भव्यसमारोहे सी.सी.एल. पक्षतः महाप्रबन्धकस्य (सी.एस. आर.) सिद्धार्थशङ्करलालस्य नेतृत्वे दलं पुरस्कारम् अवाप्नोत्। एतत् सम्मानं ग्रामीणविकासस्य, महिला-सशक्तीकरणस्य, जीविकाप्रवर्धनस्य, सुस्थिरविकासस्य च क्षेत्रे सी.सी.एल.संस्थायाः उत्कृष्ट-योगदानस्य राष्ट्रिय-मान्यता अस्ति।

सी.सी.एल.-इत्यनया चालित-परियोजनायाः अन्तर्गतं जलसंरक्षणार्थं, प्राकृतिक-संसाधनानां प्रबन्धनार्थं, ग्रामीण-अर्थव्यवस्थां सुदृढं कर्तुं च बहु-पक्षीयप्रयासाः कृताः। परियोजनायाः अन्तर्गतं ग्रामेषु जलाधारस्य निर्माणम्, पुनरुज्जीवनम्, जलविभाजनस्य विकासः, जैविककृष्याः प्रोत्साहनं, पशुधनस्य विकासः, सूक्ष्म-उद्यमानां निर्माणम्, सौर-आधारित-पेयजल-व्यवस्था, सौर-वीथि-दीपानि इत्यादीनि सौविध्यानि विकसितानि।

परियोजनायाः सर्वाधिकं महत्त्वपूर्णं वैशिष्ट्यम् आसीत् यत् इयं महिलानां सक्रिय-नेतृत्वस्य च सहभागित्वं सुनिश्चितवती इति। महिला-स्वसहायता-समूहाः, ग्रामीण-महिलाः च जीविका-आधारित-कार्यैः सह सम्बद्धाः भूत्वा आर्थिकरूपेण सशक्तीकरोति इति प्रभावात्मकं कार्यं कृतम्। अनेन प्रत्येकं गृहस्य सामान्य-वार्षिक-आयः वर्धितः अस्ति। तस्मिन् एव समये, स्थानीय-रोजगारस्य, आय-अवसरस्य च वृद्धेः कारणात् ग्रामीण-क्षेत्रेषु प्रवासः अपि न्यूनीकृतः अस्ति।

इयं परियोजना न केवलं मूलसौकर्याभिवृद्ध्याम् एव सीमितम् अस्ति, अपितु ग्रामीणसमुदायेषु स्वावलंबनस्य, सामाजिकसहभागित्वस्य, पर्यावरण-सन्तुलनस्य च भावम् अपि सुदृढम् अकरोत्। जलसंरक्षणं, जैविककृषिः इत्यादीनां उपायानां कृषकाणां उत्पादकतायां, आयस्य च सकारात्मकः प्रभावः अभवत्, तथैव स्थानीय-पर्यावरणस्य सुदृढीकरणम् अपि अभवत्।

सी.सी.एल. निरन्तरशिक्षायाः, स्वास्थ्यस्य, कौशलविकासस्य, महिला-सशक्तीकरणस्य, पर्यावरणस्य संरक्षणस्य, ग्रामीणविकासस्य च क्षेत्रेषु विविधाः जनहित-योजनाः कार्यान्वयति। निर्माणी-संस्थाः मन्यन्ते यत् वास्तविकवृद्धिः तदैव सम्भवः यदा उद्योगः समुदायः च मिलित्वा प्रवर्तिष्येते।

सी.सी.एल. इति संस्था सर्वदा समाजस्य समग्र-उन्नतेः, ग्रामीण-स्वावलंबनस्य, समावेशी-विकासस्य च कृते प्रतिबद्धः अस्ति। ग्रीन्-टेक-सि.एस.आर.इण्डिया-प्लाटिनं-पुरस्कारः निर्माणी-विशेषस्य जनकेन्द्रित-दृष्टिकोणस्य, सुस्थिर-विकासस्य भावस्य च प्रमाणम् अस्ति।

भविष्येऽपि सी.सी.एल. स्वस्य खननक्षेत्राणि परितः निवसमानानां समुदायानां जीवने सकारात्मकपरिवर्तनम् आनेतुं, विकासस्य मुख्यधारया सह योजयितुं च निरन्तरं प्रयतते।

Hindusthan Samachar / Divya Ranjan