Enter your Email Address to subscribe to our newsletters
नगांवः (असमः), 15 मईमासः (हि.स.)।हिमंत बिस्व सरमा द्वितीयवारं मुख्यमन्त्रिपदस्य शपथग्रहणानन्तरं शुक्रवासरे महापुरुषस्य श्रीमंत शंकरदेव जन्मस्थलं बटद्रवा-थानं प्रति भ्रमणम् अकरोत्। पारम्परिक-वस्त्राणि धारयित्वा मुख्यमन्त्री कीर्तनगृहे शराईम् अर्पितवान् तथा भक्त-वैष्णवानाम् आशीर्वादम् अलभत।
ततः परं बटद्रवा-थानस्य नाटगृहे बटद्रवा-थान-प्रबन्धन-समित्याः पक्षतः मुख्यमन्त्रिणः अभिनन्दनम् अकरोत्। समितेः अध्यक्षः अम्लान-ज्योति-देव-गोस्वामी, उपाध्यक्षः योगेन्द्र-नारायण-देव-महन्तः, कार्यकारी-अध्यक्षः गोबिन-चन्द्र-दासः इत्यादयः अन्ये सदस्याश्च तेषां स्वागतं कृतवन्तः। स्थानीय-दलानां सङ्गठनानां च पक्षतः अपि मुख्यमन्त्री सम्मानितः अभवत्।
भक्त-वैष्णवान् सम्बोधयन् मुख्यमन्त्री उक्तवान् यत् बटद्रवा-थानं विश्वस्तरीय-धार्मिक-विरासत-स्थलरूपेण विकसितुं शासनं निरन्तरं कार्यं करिष्यति। तेन उक्तं यत् महापुरुषेण श्रीमंत शंकरदेव येन असमस्य कल्पना कृता आसीत्, शासनं तादृशस्य असमस्य निर्माणाय प्रतिबद्धम् अस्ति।
अस्मिन्नन्तरे मुख्यमन्त्री बटद्रवा-थान-प्रबन्धन-समित्याः कार्यालये समितेः सदस्यैः सह संगोष्ठीम् अपि अकरोत्। संगोष्ठ्याः समये समितेः महासचिवः लचित-बरदलै शलगुरी-सत्रं नरोवा-सत्रं च संयोजयन्त्याः संकीर्ण-सडकस्य कारणेन उत्पद्यमानां यातायात-समस्यां, थान-परिसरे पेयजल-सङ्कटं, जल-निर्गमन-व्यवस्थायाः अभावं तथा दौल-मन्दिरस्य सतीराधिका-स्मृति-क्षेत्रस्य च विकासस्य आवश्यकताम् इत्यादीन् विषयान् मुख्यमन्त्रिणः पुरतः प्रस्तुतवान्।
मुख्यमन्त्री समितिम् आश्वासितवान् यत् एतेषां सर्वासां समस्याणां समाधानं विकासकार्याणां च आरम्भः शीघ्रमेव क्रियते।
-----------
Hindusthan Samachar / Dheeraj Maithani