जम्मू-नगरम्, १५ मईमासः (हि.स.)। जम्मू-नगरस्य अभिनव-थियेटर-प्रेक्षागृहे शुक्रवासरे नटरङ्ग-संस्थायाः ४४तमः स्थापना-दिवसः भव्य-सांस्कृतिक-समारोह-रूपेण आचरितः। कार्यक्रमे कला-रङ्गमञ्च-क्षेत्रे सम्बद्धाः अनेके कलाकाराः रङ्गकर्मिणश्च तेषां योगदानाय सम्मानिताः। समारोहस्य मुख्य-अतिथिः डॉ.देवांश-यादवः आसीत्।

अस्मिन् अवसरे बलवन्त-ठाकुरेण नटरङ्ग-संस्थायाः ४३-वर्षीयः संघर्षः, उपलब्धयः सांस्कृतिक-यात्रा च विस्तरेण निरूपिता। तेन उक्तं यत् यदि नटरङ्ग-संस्था न अभविष्यत् तर्हि डोगरी-रङ्गमञ्चस्य संस्कृतेश्च अन्ताराष्ट्रिय-परिचयः न सम्भविष्यत्। तेन सूचितं यत् नटरङ्ग-संस्थया जर्मनी-देशस्य फ्रैंकफर्ट-अन्तरराष्ट्रीय-थियेटर-महोत्सवे भारत-देशस्य प्रतिनिधित्वं कृत्वा इतिहासः रचितः तथा डोगरी-भाषा वैश्विक-मञ्चपर्यन्तं प्रापिता।

बलवन्त-ठाकुरेण उक्तं यत् गत-४३-वर्षेषु नटरङ्ग-संस्थया ७६०० अधिकाः कार्यक्रमाः आयोजिताः तथा ३८५ अधिकेषु राष्ट्रीय-अन्ताराष्ट्रिय-थियेटर-सांस्कृतिक-समारोहेषु सहभागिता कृता। तेन उक्तं यत् संस्थया रूस, जर्मनी, ब्रिटेन, सिङ्गापुर, तुर्की, पोलैण्ड, दक्षिण-अफ्रीका, मॉरीशस, यूएई इत्यादिषु देशेषु जम्मू-कश्मीरस्य सांस्कृतिक-परिचयः प्रतिष्ठापितः। तेन उक्तं यत् नटरङ्ग-संस्थया चिल्ड्रन्स-थियेटर, थियेटर-लैब, सण्डे-थियेटर, थियेटर-रिपर्टरी तथा विशाल-सांस्कृतिक-आयोजनानां माध्यमेन क्षेत्रस्य सांस्कृतिक-गतिविधिषु नूतना ऊर्जा सञ्चारिता। वर्षे २०२३ तमे जी-२० सांस्कृतिक-प्रस्तुतिषु जम्मू-कश्मीरस्य प्रतिनिधित्वं कृत्वा नटरङ्ग-संस्थया वैश्विक-स्तरे प्रशंसा प्राप्ता।

कार्यक्रमे अरविन्द-आनन्दः, संजीव-लूथरा, सूरज-सिंहः, विजय-भट्टः, नीरज-कान्तः, अनिल-टिक्कू, संजीव-गुप्तः, पङ्कज-शर्मा, सुभाष-जम्वालः, विक्रान्त-शर्मा, सुमीत-शर्मा, मोहम्मद-यासीनः, राहुल-सिंहः, पवन-वर्मा, मीनाक्षी-भगत्, शिवम्-सिंहः, कननप्रीत-कौरः, आदेश-धरः, मिताली-सर्मलः, बृजेश-अवतार-शर्मा च अन्ये कलाकाराः सम्मानिताः। बलवन्त-ठाकुरेण उक्तं यत् नटरङ्ग-संस्था अधुना जम्मू-नगरं अन्तरराष्ट्रीय-थियेटर-परफॉर्मिङ्ग-आर्ट्स-केन्द्ररूपेण विकसितुं कार्यं करोति। अस्य अन्तर्गतं जम्मू-नगरे अत्याधुनिक-थियेटर-परिसर:, स्टूडियो-थियेटरः, रिसोर्स-सेन्टरः तथा बाल-सांस्कृतिक-परिसरस्य स्थापना-योजनायाः कार्यं प्रचलति।

समारोहस्य अन्ते बलवन्त-ठाकुरेण कलाकाराणां सहयोगिनां दर्शकाणां च प्रति आभारः व्यक्त:। तेन उक्तं यत् नटरङ्ग-संस्थायाः सांस्कृतिक-यात्रा अग्रिम-वंशपर्यन्तं निरन्तरं प्रवर्तिष्यते। “द शो मस्ट गो ऑन” इत्यस्य उद्घोषेण कार्यक्रमस्य समापनम् अभवत्।

Hindusthan Samachar / Divya Ranjan