Enter your Email Address to subscribe to our newsletters
लखनऊ-नगरम्, १५ मईमासः (हि.स.)। भारतीय-जनता-पक्षेण समाजवादी-पक्षस्य सांसदेन प्रधानमन्त्रिणः नरेन्द्रमोदिनः विषये कृतायाः आपत्तिजनकायाः अमर्यादितायाश्च टिप्पण्याः विरोधे शुक्रवासरे प्रदेशस्य सर्वेषु जनपद-मुख्यालयेषु व्यापक-विरोध-प्रदर्शनं कृतम्। पक्षस्य महिला-पदाधिकारीभिः, महिला-जनप्रतिनिधिभिः तथा महिला-कार्यकर्तृभिः सपा-सांसदस्य अजेंद्र-सिंह-लोधी विरुद्धं तीव्र-विरोध-प्रदर्शनं कृत्वा आक्रोशः व्यक्तीकृतः। राजधानी-लखनऊ-नगरे अपि उपायुक्त-कार्यालयस्य पुरतः भाजपा-महिला-मोर्चया विधान-प्रदर्शनं कृतम्।
भाजपा-पक्षस्य प्रदेश-महामन्त्री संजय-रायः अवदत् यत् प्रदेशस्य सर्वेषु जनपद-मुख्यालयेषु बहुसंख्यकाभिः महिलाभिः प्रधानमन्त्रिणः नरेन्द्रमोदिनः विरुद्धं कृते अमर्यादित-वक्तव्यस्य विरोधे तीव्र-प्रदर्शनं कृतम्। समाजवादी-पक्षस्य नेतृणां अमर्यादित-भाषायाः अराजक-राजनीतिक-संस्कृतेश्च विरुद्धं लोकतान्त्रिक-रीत्या विरोधः प्रदर्शितः।
तेन उक्तं यत् प्रधानमन्त्री नरेन्द्रमोदी देशस्य १४०-कोटि-नागरिकाणां आशानां विश्वासस्य आत्मगौरवस्य च प्रतीकः अस्ति। तस्य विषये अपमानजनक-भाषायाः प्रयोगः न केवलं लोकतान्त्रिक-मूल्यानाम् अपमानं, अपितु देशस्य जनतायाः अपमानोऽपि अस्ति। जनतया एतादृशस्य अहङ्कारपूर्णस्य अमर्यादित-आचरणस्य उचितः उत्तरः लोकतान्त्रिक-रीत्या प्रदास्यते।
Hindusthan Samachar / Divya Ranjan