Enter your Email Address to subscribe to our newsletters
रामनाथपुरम् , 15मेमासः(हि.स.) अरुल्मिगु रामनाथस्वामी-देवालयस्य प्रशासनं, मन्दिरे निःशुल्कं वितरितस्य लड्डु-प्रसादं अवैधरूपेण विक्रीय ₹34 दशलक्षात् अधिकान् भक्तान् अवञ्चयत् इति आरोपं कृत्वा, कनिष्ठसहायकेन सहिताः षट् कर्मचारिणः निलम्बिताः।
इदं प्रकरणं तदा प्रकाशम् अवाप्नोत् यदा मन्दिरस्य संयुक्त-आयुक्तः सेलत्तुरै इत्येषः गत मार्चमासे लड्डु-प्रसादस्य सज्जतायाः, आय-व्यय-लेखानां च आकस्मिकं निरीक्षणं कृतवान्। अन्वेषणकाले अनेकानि गम्भीरानि अनियमितानि प्रकटितानि।
प्राथमीक-अन्वेषणेन ज्ञातम् यत् प्रसाद-निर्माणस्य विक्रयस्य च प्रभारी कनिष्ठ-सहायकः के. पञ्चमूर्तिः, निःशुल्कं वितरितानां लड्डु-सङ्ख्याः न्यूनतया निवेश्य, अवैधरूपेण तेषाम् विक्रयणं कृतवान् इति। अस्य माध्यमेन महतीं धनराशिः सङ्गृहीतो जातः। तदनन्तरं सम्बद्ध-कर्मचारिणां अन्य-कर्मचारिणां च निरन्तर-प्रश्नाः अभवन्। अन्वेषणैः दृढीकृतं यत् कनिष्ठसहायकस्य के. पञ्चमूर्त्याः नेतृत्वे कर्मचारिणां एकः समूहः बहुकालात् भ्रष्टाचारं कुर्वन् आसीत् इति।
अन्वेषण-प्रतिवेदनस्य अनुसारं, लड्डुकप्रभृतीनि प्रसादवस्तूनि अवैधरूपेण निर्मीय, बहिः विपणीतः असंस्कृत-बृहत्-रूपेण क्रीत्वा, मन्दिर-परिसरस्य कौण्टर-द्वारा भक्तेभ्यो विक्रीतानि।
अधिकारिणां मतानुसारेण, 2023 तमात् वर्षात् आरभ्य फरवरी 026 पर्यन्तं, प्रायः 11.4 लक्षं लड्डुकानि अवैधरूपेण निर्मिताः विक्रयिताः च आसन्, येन प्रायः 34.06 कोटिरूप्यकाणां कपटम् अभवत्।
कनिष्ठसहायकाः के. पञ्चमूर्तिः, लावण्यः, अम्बिका, टिकटविक्रेता सेल्वी, कर्मचारिणी शिवनेश्वरी, विक्रम इत्यादयः षट् जनाः प्रकरणस्य सन्दर्भे निलम्बितौ स्तः। मन्दिरस्य संयुक्त-आयुक्तेन सेलत्तुरै इत्यनेन स्थगन-आदेशाः प्रावर्तिताः।
रामेश्वरम्-नगरस्य प्रसिद्धं रामनाथस्वामी-मन्दिरं 2019 तमात् वर्षात् स्वकीयं प्रसादं विक्रयणं चालयति स्म इति स्मरणीयम्। तदनन्तरं विधानसभायाः अनुदान-घोषणायाः अन्तर्गतं वित्तीयवर्षे 2023-2024 प्रतिदिनं भक्तानां कृते निःशुल्कं लड्डु-प्रसादं वितरितुं योजना अभवत्, या अद्यावधि प्रचलति।
--------
Hindusthan Samachar / Dheeraj Maithani