Enter your Email Address to subscribe to our newsletters
कोलकाता, 15 मईमासः (हि.स.)। पश्चिमबङ्गस्य पूर्वः खाद्यमन्त्री मध्यमग्रामक्षेत्रस्य तृणमूलकाङ्ग्रेसदलस्य विधायकः रथीनघोषः शुक्रवासरे प्रातःकाले प्रवर्तननिर्देशालयस्य सॉल्टलेकस्थितं कार्यालयं प्राप्तवान्। नगरनिकायनियुक्तिघोटालाप्रकरणस्य अन्वेषणसम्बन्धे केन्द्रीयसंस्थया तं बहुवारं समाहूतम् आसीत्।
सूत्राणाम् अनुसारेण रथीनघोषः प्रातः प्रायः सार्धदशवादने सीजीओकॉम्प्लेक्सस्थितं प्रवर्तननिदेशालयकार्यालयं प्राप्तवान्। कार्यालये प्रवेशात् पूर्वं पत्रकारैः सह संक्षिप्तवार्तालापे सः अवदत् यत् माम् कस्मात् कारणात् आहूतवन्तः इति विषये मम काचिदपि सूचना नास्ति।प्रवर्तननिर्देशालयो नगरनिकायनियुक्तिघोटालाप्रकरणे अनियमिततायाः वित्तीयव्यवहाराणां च अन्वेषणं कुर्वन् अस्ति। अस्यैव सम्बन्धे अनेकैः राजनैतिकनेतृभिः प्रशासनिकाधिकारिभिः च सह पूर्वमेव पृच्छा कृता अस्ति।
केन्द्रीयसंस्थायाः सूत्रैः उक्तं यत् तेन सह पृच्छा आरब्धा अस्ति। नगरनिगमनियुक्तिप्रकरणे अन्वेषणसंस्थायाः अधिकारिणां हस्ते अस्य भ्रष्टाचारस्य सम्बन्धिनः अनेकानि प्रपत्राणि प्राप्तानि सन्ति, येषाम् आधारेण तेन सह पृच्छा प्रवर्तते।
उल्लेखनीयम् अस्ति यत् अस्मिन् एव प्रकरणे त्रिदिनपूर्वं केन्द्रीयसंस्थया पूर्वदमकलमन्त्री तृणमूलकाङ्ग्रेसदलस्य प्रभावशाली नेता सुजीतबोसः अपि पृच्छार्थम् आहूतः आसीत्, अनन्तरं तस्य गिरफ्तारी कृता आसीत्। एकदिनपूर्वमेव मुख्यमन्त्री ममताबनर्जीमहिलायाः अत्यन्तविश्वासपात्रः कोलकातापुलिसस्य डीसीपी अधिकारी शान्तनुसिन्हाविश्वासः ईडीसंस्थया निग्रहणं कृतं, अद्य रथीनघोषस्य पृच्छा प्रवर्तते।---------------
Hindusthan Samachar / Dheeraj Maithani