नवदेहली, १६ मे-मासः (हि.स.)। प्रधानमन्त्रिणा नरेन्द्रमोदिना शनिवासरे हेग-नगरे वैश्विक-ऊर्जासङ्कटस्य विषये गम्भीरा चिन्ता व्यक्तीकृता। तेन उक्तं यत् यदि विश्वं समये अस्याः समस्यायाः समाधानं न करिष्यति, तर्हि गतदशकेषु प्राप्ताः विकाससम्बद्धाः उपलब्धयः नष्टाः भविष्यन्ति। तेन सञ्चेतना दत्ता यत् विश्वस्य विशालः जनसमूहः पुनः दारिद्र्यस्य जाले पतितुम् अर्हति।

प्रधानमन्त्री नरेन्द्रमोदी स्वस्य पञ्च-देशीयायाः षड्दिवसीयायाः विदेशयात्रायाः द्वितीयचरणे नीदरलैण्डदेशं प्राप्तवान्। तत्र भारतीय-समुदायं सम्बोधयन् सः अवदत् यत् वर्तमान-वैश्विक-परिस्थितिषु विश्वं शिथिलतां विश्वसनीयां च आपूर्तिशृङ्खलां अनुभवति। भारतं नीदरलैण्डदेशश्च मिलित्वा पारदर्शिनीं विश्वसनीयां च आपूर्तिशृङ्खलां विकसितुं कार्यं कुर्वन्ति।

प्रधानमन्त्रिणा उक्तं यत् भारतस्य यूरोपीय-संघस्य च मध्ये मुक्तव्यापार-सन्धिः प्रवर्तिते सति नीदरलैण्डदेशः यूरोपस्य प्रमुखं प्रवेशद्वारं भवितुम् अर्हति। तेन उल्लिखितं यत् मुख्य-यूरोप-प्रदेशे भारतीयमूल-जनानां महान् समुदायः नीदरलैण्डदेशे एव निवसति।

स्वीये सम्बोधने प्रधानमन्त्रिणा सांस्कृतिक-प्रतीका ट्यूलिप-पुष्पं कमलं च अस्मान् शिक्षयतः यत् मूलानि जले वा मृत्तिकायां वा सन्तु, सौन्दर्यं शक्तिश्च उभयं प्राप्तुं शक्यते।”

प्रधानमन्त्री मोदी अवदत् यत् गतवर्षेषु भारते लोकतन्त्रे जनानां विश्वासः निरन्तरं दृढः जातः। यदा सामान्यनागरिकाः स्वप्नपूर्तिं विकासे सहभागितां च पश्यन्ति, तदा लोकतान्त्रिक-व्यवस्थायां विश्वासः अधिकः वर्धते।

तेन समीपकाले सम्पन्नानां विधानसभानिर्वाचनानां उदाहरणं दत्त्वा उक्तं यत् असम-प्रदेशे, पश्चिमबङ्गप्रदेशे, केरलप्रदेशे, तमिळनाडुराज्ये तथा पुदुच्चेरी-प्रदेशे अस्मिन् समये प्रायः नवतिप्रतिशतं मतदानं जातम्, यत् लोकतन्त्रे जनविश्वासस्य वृद्धिं दर्शयति।

प्रधानमन्त्रिणा १६ मे-मासस्य विशेषः उल्लेखः कृतः। तेन उक्तं यत् वर्षे २०१४ तमे अस्मिन्नेव दिने लोकसभानिर्वाचनस्य परिणामाः घोषिताः आसन् तथा च बहुवर्षाणां अनन्तरं देशे स्थिरा पूर्णबहुमतयुक्तः च सर्वकारः अभवत्। तेन उक्तं यत् १३ वर्षाणि मुख्यमन्त्रिरूपेण तथा १२ वर्षाणि प्रधानमन्त्रिरूपेण देशसेवा कर्तुं तस्य सौभाग्यम् अस्ति। कोटिशः देशवासिनां निरन्तरं समर्थनमेव तस्य महान् निधिः अस्ति।

प्रधानमन्त्री मोदी अवदत् यत् सः अतीव लघुवयसा एव देशभक्तेः वर्णेन रञ्जितः आसीत्। तेन “अहम् तः वयम्” इति मार्गः स्वीकृतः। अधुना जनानां सुखमेव तस्य सुखम् अस्ति तथा जनकल्याणमेव तस्य कर्तव्यम् अभवत्।

तेन उक्तं यत् अद्यतनः भारतः केवलं परिवर्तनस्य न, अपितु सर्वोत्तमत्वस्य स्वप्नं पश्यति। देशः अत्यन्ततीव्र-विकासस्य, आधुनिक-प्रौद्योगिक्याः तथा वैश्विक-नेतृत्वस्य दिशि अग्रे गच्छति।

प्रधानमन्त्री अवदत् यत् अद्यतनः भारतदेशः केवलं स्वसीमासु सीमितचिन्तनयुक्तः देशः नास्ति, अपितु विश्वस्य विकास-इञ्जिन इति भवितुं अग्रसरः अस्ति। भारतदेशः ओलम्पिक-क्रीडानां आयोजनाय, वैश्विक-विनिर्माण-केन्द्रं भवितुं तथा हरित-ऊर्जा-क्षेत्रे नेतृत्वं कर्तुं तीव्रतया कार्यं करोति। तेन उक्तं यत् भारतदेशः सेमीकण्डक्टर-क्षेत्रेऽपि तीव्रतया प्रगतिं करोति। देशे १२ सेमीकण्डक्टर-संयन्त्रेषु कार्यं प्रचलति, येषु द्वयोः उत्पादनं प्रारब्धम् अस्ति। अधुना चिप अपि “डिजाइन इन इंडिया” तथा “मेड इन इंडिया” भविष्यति।

प्रधानमन्त्री नरेन्द्रमोदी अवदत् यत् नीदरलैण्डदेशं प्राप्य तस्मै भारतवत् अनुभवः जायते। अत्र प्रगतौ भारतीय-समुदायस्य महत्त्वपूर्णं योगदानम् अस्ति, अस्मिन् विषये प्रत्येकं भारतीयः गर्वं करोति। तेन उक्तं यत् अत्र निवसतां भारतीयपरिवाराणां कथाः केवलं प्रवासस्य न, अपितु संघर्षस्य सफलतायाश्च कथाः सन्ति। कालः परिवर्तितः, देशाः परिवर्तिताः, वंशाः अपि परिवर्तिताः, किन्तु भारतीय-संस्काराः, पारिवारिक-व्यवस्था तथा सांस्कृतिक-संबद्धता अद्यापि जीविताः सन्ति।

प्रधानमन्त्री अवदत् यत् भारतीयैः डच-भाषा स्वीकृता, किन्तु स्वमातृभाषाः सांस्कृतिक-परम्पराश्च अपि संरक्षिताः। भारतीय-संगीतं संस्कृतिश्च अद्य नीदरलैण्डदेशस्य परिवाराणां पर्यन्तं प्राप्नोति।

Hindusthan Samachar / Divya Ranjan