Enter your Email Address to subscribe to our newsletters
नवदिल्ली, १७ मे-मासः (हि.स.)। केन्द्रीय-रेलमन्त्री अश्विनी-वैष्णवः रविवासरे बेङ्गलूरु-मुम्बई-एक्स्प्रेस-रेल-सेवायाः आभासी-माध्यमेन हरित-ध्वज-प्रदर्शनम् अकरोत्। तेन उक्तं यत् एतेन कर्नाटक-महाराष्ट्रयोः मध्ये रेल-सम्पर्कः अधिकः सुदृढः भविष्यति। अस्मिन् अवसरे तेन घोषणा कृता यत् बेङ्गलूरु-मुम्बई-नगरयोः मध्ये वन्दे-भारत-शयन-सेवा शीघ्रमेव प्रारभ्स्यते।
अश्विनी-वैष्णवः उक्तवान् यत् दक्षिण-कर्नाटकस्य उत्तर-कर्नाटकस्य च दीर्घकालात् प्रलम्बिताः याचनाः अधुना पूर्यन्ते। तेन उक्तं यत् गत-वर्षेषु रेल-विभागस्य कृते वित्तीय-आवण्टने उल्लेखनीय-वृद्धिः अभवत्, येन कर्नाटक-राज्ये रेल-परियोजनानां कार्याणि तीव्र-गत्या प्रचलन्ति।
तेन उक्तं यत् अमृत-भारत-स्थानक-योजनायाः अन्तर्गतं कर्नाटकस्य ६१ रेल-स्थानकानां २१६० कोटि-रूप्यक-व्ययेन पुनर्विकासः क्रियते। तेषु ९ स्थानकानां कार्यं सम्पन्नम् अस्ति। बेङ्गलूरु-कैन्टोन्मेण्ट-स्थानकस्य ४८५ कोटि-रूप्यक-व्ययेन तथा यशवन्तपुर-स्थानकस्य ३६७ कोटि-रूप्यक-व्ययेन पुनर्विकासः क्रियते।
रेलमन्त्री उक्तवान् यत् २०१४ तमवर्षात् परं कर्नाटक-राज्ये प्रायः १७५० किलोमीटर-परिमिताः नवीनाः रेल-रेखाः स्थापिताः। हासन-मङ्गलुरु-खण्डे जटिल-विद्युतीकरण-कार्यम् अपि सम्पन्नम् अस्ति तथा च परीक्षण-कार्यं प्रचलति।
तेन उक्तं यत् बेङ्गलूरु-उपनगरीय-रेल-परियोजनायाः चतसृषु वीथीषु कार्यं प्रचलति। बैयप्पनहल्ली-चिक्कबनावरा तथा हीलालिगे-राजनुकुण्टे-वीथीषु भूम्यधिग्रहण-कार्यं सम्पन्नम् अस्ति तथा च स्थानक-निर्माण-कार्यं प्रवर्तते। के.एस.आर.-बेङ्गलूरु-देवनहल्ली-मार्गाय राज्य-सर्वकारस्य रेल-विभागस्य च संयुक्त-अनुमोदनं प्राप्तम् अस्ति तथा भू-तकनीकी-सर्वेक्षणं सम्पन्नम्। केंगेरी-व्हाइटफील्ड्-मार्गाय अपि सम्प्रति काले अनुमोदनं प्राप्तम्।
अश्विनी-वैष्णवः उक्तवान् यत् कर्नाटक-राज्ये अधुना १२ युग्मानि वन्दे-भारत-रेलयानानि सञ्चालितानि सन्ति। बेङ्गलूरु-मङ्गलुरु-मार्गे परीक्षण-कार्यं प्रचलति, येन तटीय-प्रदेशैः सह सम्पर्कः अधिकः सुदृढः भविष्यति। बेङ्गलूरु-नगरं हैदराबाद-चेन्नई-नगराभ्यां संयोजयन्तौ बुलेट्-रेल-परिसरौ अपि अनुमोदितौ स्तः।केन्द्रीय-रेल-राज्यमन्त्री वी.सोमन्ना उक्तवान् यत् नूतना बेङ्गलूरु-मुम्बई-रेल-सेवा देशस्य अत्यन्त-व्यस्तेषु रेल-मार्गेषु यात्रिभ्यः महतीं सुविधां प्रदास्यति। थानिसन्द्रा-प्रदेशे २७० कोटि-रूप्यक-व्ययेन वन्दे-भारत-शयन-रक्षा-केन्द्रं स्थापितं भविष्यति, यदा च एस.एम.वी.टी.-बेङ्गलूरु-स्थानके ५२.७३ कोटि-रूप्यक-व्ययेन आसन्द-कार-रक्षा-सुविधा विकसिती क्रियते।
तेन उक्तं यत् बैयप्पनहल्ली-होसुर-द्विगुणीकरण-परियोजना, बेट्टाहलासुरु-राजनुकुण्टे-परियोजना तथा बेङ्गलूरु-प्रदेशे चतुर्गुणीकरण-कार्यैः रेल-क्षमता वर्ध्यते। अस्य अतिरिक्तं विविधेषु प्रमुख-रेल-खण्डेषु ६३९६ कोटि-रूप्यक-व्ययेन स्वचालित-सङ्केत-प्रणाली विकसिती क्रियते।
वी.सोमन्ना उक्तवान् यत् कर्नाटक-राज्याय अस्मिन् वारे ७७४८ कोटि-रूप्यकाणां अभिलेखीयं रेल-वित्त-आवण्टनं प्राप्तम्। २०१४ तमवर्षात् परं राज्ये ३८४० किलोमीटर-परिमित-रेल-रेखाणां विकासः तथा ३७४२ किलोमीटर-परिमित-रेल-मार्गाणां विद्युतीकरणं कृतम्। अग्रिम-त्रिवर्षेषु सर्वेषां समपार-फाटकानां समापनस्य लक्ष्यं निर्धारितम् अस्ति।
Hindusthan Samachar / Divya Ranjan