देवरिया, १७ मईमासः (हि.स.) उत्तरप्रदेशस्य देवरिया-जिल्लायां स्थितस्य महर्षि-देवरहा-बाबा-स्वशासित-राज्य-चिकित्सा-महाविद्यालयस्य छात्रैः कानपुर-स्थिते जीएसवीएम-चिकित्सा-महाविद्यालये आयोजितायाम् एकलॉन २०२६ अन्तर्गतायां नेक्सस-जूनियर-प्रश्नोत्तरी-प्रतियोगितायाम्उत्कृष्टं प्रदर्शनं कृतम्। अत्रत्यैः प्रतिभाशालिभिः छात्रैः प्रथमं स्थानं प्राप्य महाविद्यालयस्य गौरवं वर्धितम्।

एषा प्रतियोगिता एमबीबीएस इत्यस्य त्रिषु चरणेषु सम्बद्धविषयेषु आधारिताऽभवत् बहुविषयक-प्रश्नोत्तरी, यस्यां आहत्य १७ दलानि सहभागित्वं कृतवन्ति। प्रारम्भिक-चरणे देवरिया-चिकित्सा-महाविद्यालयस्य दलं प्रथमं स्थानं प्राप्तवत् तथा अन्तिम-चरणे अपि उत्कृष्टं प्रदर्शनं कृत्वा सम्पूर्ण-प्रतियोगितायां विजेतृत्वस्य गौरवं प्राप्तवत्।

अस्याः उपलब्धेः श्रेयंशः (एमबीबीएस-बैच २०२३) तथा स्वयम-पाण्डेयः (एमबीबीएस-बैच २०२४) महाविद्यालयस्य प्रतिनिधित्वं कृतवन्तौ। उभावपि छात्रौ स्वज्ञानं, दलभावनां, उत्कृष्ट-प्रस्तुतिं च प्रदर्श्य सफलतां प्राप्तवन्तौ।

महाविद्यालयस्य प्राचार्या डॉ. रजनी-पटेल तथा विभिन्न-विभागानां अध्यापकाः रविवासरे उभाभ्यां छात्राभ्यां हार्दिक्याः शुभकामनाः अभिनन्दनानि च प्रदत्तवन्तः। तैः उक्तं यत् छात्रयोः एषा उपलब्धिः सम्पूर्ण-महाविद्यालयाय प्रेरणादायिनी अस्ति तथा अस्याः प्रभावेण अन्ये छात्राः अपि उत्कृष्ट-प्रदर्शनाय प्रोत्साहनं प्राप्स्यन्ति।

महाविद्यालय-परिवारेण उभयोः छात्रयोः उज्ज्वल-भविष्यस्य कामना कृता तथा तयोः अस्याः सफलतायाः विषये हर्षः व्यक्तीकृतः।

Hindusthan Samachar / Dheeraj Maithani