Enter your Email Address to subscribe to our newsletters
काठमाण्डू-नगरम्, १७ मईमासः (हि.स.)। नेपाल-देशस्य प्रख्यातः पर्वतारोही कामिरिता-शेरपः अद्य ३२वीं वारं सफलतया सगरमाथा-शिखरम् (माउण्ट-एवरेस्ट) आरूह्य विश्व-कीर्तिमानं स्थापितवान्।
५६ वर्षीयः कामिरिता-शेरपः अद्य प्रातः १०:१२ वादने विश्वस्य सर्वोच्चं शिखरं सगरमाथां सफलतया आरूढवान्। सेवेन-सम्मिट-ट्रेक्स-संस्थया एषा सूचना प्रदत्ता। संस्थया फेसबुक-माध्यमेन उक्तं यत् ३२वीं सफल-आरोहणानन्तरं कामिरिता-शेरपः स्व-दलेन सह अधुना बेस-कैम्प प्रति प्रत्यावर्तते, तस्य सुरक्षित-अवरोहणस्य च शुभकामनाः प्रेषिताः, काठमाण्डू-नगरे च भव्य-स्वागतस्य सज्जा क्रियते।
वर्ष १९९४ तः पर्वतारोहण-यात्रां प्रारभ्य कामिरिता-शेरपः अद्यपर्यन्तं अद्वितीयं सफलतां प्राप्तवान्। सः केवलं नेपाल-देशस्य राष्ट्रिय-गौरवः एव न, अपितु विश्व-पर्वतारोहण-समुदायस्य श्रेष्ठ-प्रतीकरूपेण अपि मान्यते।
तस्मिन् एव अवसरे ‘माउण्टेन-क्वीन’ इति प्रसिद्धा लाक्पा-शेरपा अपि अद्य प्रातः ९:३० वादने ११तमं पर्यायं सगरमाथा-शिखरम् आरूढवती। अनेन सा महिला-पर्वतारोहिणीषु सर्वाधिक-आरोहण-कीर्तिमानं स्थापितवती। पर्यटन-विभागस्य निदेशकः हिमाल-गौतमः एतां सूचनां दत्तवान्। १९७३ तमे वर्षे संखुवासभा-जनपदे जन्मप्राप्ता लाक्पा शेरपा नेपालस्य पर्वतारोहण-इतिहासे पुनः एकं महत्वपूर्णं अध्यायं योजितवती।
Hindusthan Samachar / Divya Ranjan