काठमाण्डू-नगरम्, १७ मईमासः (ए.एच्.)। भारतात् कैलास-मानसरोवर-तीर्थयात्रां कुर्वन्तः तीर्थयात्रिण: नेपाल-देशम् आगच्छन्। अन्तिमेषु चतुर्षु दिनेषु १६९ तीर्थयात्रिण: नेपाल-मार्गेण कैलास-मानसरोवर-यात्रां कर्तुं पञ्जीकरणं कृतवन्तः। तीर्थयात्रिकाः पश्चिम-नेपालस्य नेपालगञ्ज-नगरात् विमान-मार्गेण सिम्कोट-नगरं, ततः हिल्सा-नगरं च गच्छन्ति। हिल्सा इदं चीन-देशस्य कैलास-मानसरोवर-यात्रायाः प्रवेश-द्वारम् इति मन्यते।

सिम्कोट-विमानस्थानकस्य प्रमुखः महेन्द्रसिंहः अवदत् यत् १४ मईमासात् आरभ्य १६९ भारतीय-नागरिकाः अन्य-देशीय-नागरिकाश्च अत्र आगतवन्तः। प्रतिकूल-वातावरणेऽपि ४७ तीर्थयात्रिण: शनिवासरे समिट-एयर-संस्थायाः त्रिभिः विमानयानैः सिम्कोट-नगरं प्राप्तवन्तः। रविवासरे वातावरणस्य संशोधनेन तीर्थयात्रिण: सिम्कोट-नगरं प्रति प्रेषिताः।

केचन विदेशी-पर्यटकाः आवश्यक-अनुमतिपत्रस्य अभावेन कैलास-मानसरोवरं प्रति अग्रे गन्तुं न अशक्नुवन्, अतः ते प्रत्यावर्तिताः इति सः अवदत्।

अधिकारिणः कथयन्ति यत् अग्रिमेषु दिनेषु तीर्थयात्रिणां सङ्ख्या अधिका भविष्यति। कोविड्-१९-प्रतिबन्धानन्तरं हिल्सा-मार्गस्य पुनरुद्घाटनेन यात्रायां जनानां रुचिः निरन्तरं वर्धते। गतवर्षे चीन-देशेन मार्गस्य उद्घाटनानन्तरं प्रायः ६,५०० भारतीय-तीर्थयात्रिण: अनेन मार्गेण कैलास-मानसरोवर-यात्रां कृतवन्तः। अस्मिन् वर्षे तीर्थयात्रा १४ मईमासात् आरब्धा।

Hindusthan Samachar / Divya Ranjan