काठमाण्डूनगरम्, १७ मे-मासः (हि.स.)। नेपालस्य प्रधानमन्त्री बालेन्द्र-शाहस्य अग्रिम-सार्धैक-मास-पर्यन्तं संसदि सम्बोधनस्य कश्चन कार्यक्रमः निर्धारितः नास्ति। अद्य सार्वजनिकीकृते संसदीय-पञ्चाङ्गे शाह-महोदयस्य संसदि भाषणस्य अथवा सांसदानां प्रश्नानां उत्तर-प्रदानस्य कश्चन कार्यक्रमः समाविष्टः नास्ति।

संसदः अधःसदनस्य प्रतिनिधि-सभायाः अग्रिम ३० जूनमास-पर्यन्तस्य पञ्चाङ्गः सार्वजनिकीकृतः। संसद-सचिवालयस्य अनुसारं प्रतिनिधि-सभा-नियमावल्यानुसारम् एतत् पञ्चाङ्गं प्रकाशितम्। अस्यां नियमावलौ प्रत्येकं मासस्य प्रथम-सप्ताहस्य कस्मिंश्चित् दिने प्रधानमन्त्रिणा सह प्रश्नोत्तर-कार्यक्रमस्य आयोजनस्य प्रावधानम् अस्ति।

नियमावल्याः नियम-संख्या ५६ मध्ये उक्तम् अस्ति— “प्रधानमन्त्रिणः अथवा तस्य कार्यक्षेत्रेण प्रत्यक्षतया सम्बद्धेषु महत्त्वपूर्ण-विषयेषु प्रश्नान् प्रष्टुं सभापतिः प्रत्येकं मासस्य प्रथम-सप्ताहस्य कस्यचित् दिवसस्य सभायाः पूर्वं एक-होरायाः समयं निर्धारितं करिष्यति।” अस्य नियमानुसारम् अद्यावधि सर्वे प्रधानमन्त्रिणः न्यूनातिन्यूनम् एक-होरापर्यन्तं सांसदानां प्रश्नानां उत्तराणि दत्तवन्तः। किन्तु अस्मिन् वारे प्रतिनिधि-सभया प्रकाशिते संसदीय-पञ्चाङ्गे प्रधानमन्त्रिणा सह प्रश्नोत्तर-कार्यक्रमः न स्थापितः।

प्रधानमन्त्री बालेन्द्र-शाहस्य विषये संसदि न वक्तुम्, संसदं प्रति उत्तरदायी न भवितुम् इति आरोपाः क्रियन्ते। तेन राष्ट्रपतिनः अभिभाषणस्य तथा सर्वकारस्य नीति-कार्यक्रमयोः विषये उत्थापितानां प्रश्नानाम् अपि उत्तरं न दत्तम्। तस्य स्थाने वित्तमन्त्री स्वर्णिम-वाग्ले सांसदानां प्रश्नानां उत्तराणि प्रदत्तवान्।

Hindusthan Samachar / Divya Ranjan