प्रयागराजनगरम्, १७ मे-मासः (हि.स.)। विद्या-भारती-काशी-प्रान्तेन आयोजिता प्रान्तीय-सङ्गीत-प्रशिक्षण-कार्यशाला २०२६-२७ ज्वाला-देवी-शिशु-विद्या-मन्दिरे सफलतापूर्वकं प्रचलति। काशी-प्रान्तस्य प्रदेश-निरीक्षकः शेषधर-द्विवेदी दीप-प्रज्वलनं कृत्वा कार्यशालायाः उद्घाटनम् अकरोत्। तेन उक्तं यत् सङ्गीत-शिक्षायाः माध्यमेन बालकेषु संस्काराः तथा राष्ट्रभक्तेः भावाः जागरयितुं शक्यन्ते।

एतां सूचनां कार्यशालायाः सञ्चालनं कुर्वन् क्षेत्रीय-सङ्गीत-संयोजकः मनोज-गुप्तः दत्तवान्। तेन उक्तं यत् अस्याः कार्यशालायाः शुभारम्भः १६ मे-मासे सायं ७ वादने अभवत् तथा च १८ मे-मासे समापनं भविष्यति। तेन सूचितं यत् शिविरे काशी-प्रान्तस्य नव-सङ्कुलेभ्यः— केशव-सङ्कुलात्, माधव-सङ्कुलात्, मिर्जापुर-सङ्कुलात्, सोनभद्र-सङ्कुलात्, काशी-सङ्कुलात्, जौनपुर-सङ्कुलात्, सुल्तानपुर-सङ्कुलात्, प्रतापगढ-सङ्कुलात् तथा कादीपुर-सङ्कुलात्— २२ आचार्याः, २३ आचार्या-भगिन्यः च समाविश्य आहत्य ४५ शिक्षक-शिक्षिकाः प्रशिक्षणं प्राप्नुवन्ति।

कार्यशालायाः सञ्चालनं क्षेत्रीय-सङ्गीत-संयोजकस्य मनोज-गुप्तस्य नेतृत्वे प्रचलति। सहयोगरूपेण काशी-प्रान्तस्य सङ्गीत-संयोजकः दीनबन्धु-सिंहः तथा सङ्गीत-प्रभारी भरत-सिंहः उपस्थितौ स्तः। सम्पूर्ण-शिविरस्य व्यवस्था ज्वाला-देवी-शिशु-मन्दिर-सिविल-लाइन्स-विद्यालयस्य प्रधानाचार्यस्य इन्द्रजीत-त्रिपाठी-महोदयस्य पर्यवेक्षणे क्रियते।

अस्मिन् अवसरे क्षेत्रीय-क्रीडा-प्रमुखः जगदीश-सिंहः अपि उपस्थितः आसीत्। कार्यशालायां क्षेत्रीय-सङ्गीत-प्रमुखस्य मनोज-गुप्तस्य मार्गदर्शनेन प्रतिभागिभ्यः स्वर-साधना, ताल-लयः, विद्यालयीय-प्रार्थनाः तथा सामूहिक-गायनस्य गहन-अभ्यासः कारितः भवति।

Hindusthan Samachar / Divya Ranjan