किशनगञ्जः, १७ मे-मासः (हि.स.)। बिहार-सर्वकारस्य पथ-निर्माण-विभागस्य मन्त्री ई.कुमार-शैलेन्द्रः उक्तवान् यत् मुख्यमन्त्रिणः सम्राट-चौधरी-इत्यस्य नेतृत्वे बिहार-प्रदेशः निरन्तरं विकासस्य मार्गे अग्रसरः अस्ति। तेन उक्तं यत् पूर्व-मुख्यमन्त्रिणा नीतीश-कुमारेण निर्मिते विकास-मार्गचित्रे वर्तमान-सर्वकारः प्रभावीरीत्या कार्यं करोति, यस्य लाभः राज्यस्य सर्वेषां क्षेत्राणां जनैः प्राप्यते। सीमाञ्चल-प्रदेशं समाविश्य सम्पूर्णे बिहार-राज्ये मार्गः, सेतुः तथा आधारभूत-संरचना-क्षेत्रेषु निरन्तरं विकास-कार्याणि प्रचलन्ति।

रविवासरे किशनगञ्ज-नगरस्थिते दिगम्बर-जैन-भवने आयोजिते भाजपा-कार्यकर्तृ-प्रशिक्षण-कार्यक्रमे सहभागाय आगतेन मन्त्रिणा ई.कुमार-शैलेन्द्रेण एतानि वक्तव्यानि उक्तानि। तेन उक्तं यत् मन्त्री-पदस्य दायित्वं स्वीकृत्य एषः तस्य प्रथमः किशनगञ्ज-प्रवासः अस्ति तथा च अत्र आगत्य पक्ष-कार्यकर्तृभिः सह मिलनं तस्य कृते सुखदः अनुभवः अस्ति।

तेन उक्तं यत् भाजपा-सङ्घटन-आधारितः पक्षः अस्ति, यत्र कार्यकर्तारः समये-समये प्रशिक्षिताः भवन्ति। प्रशिक्षण-कार्यक्रमः पक्षस्य कार्यशैल्याः महत्त्वपूर्णः भागः अस्ति। अस्यैव क्रमस्य अन्तर्गतं देशव्यापी-रूपेण भाजपा-कार्यकर्तृणां प्रशिक्षण-अभियानं प्रचलति। किशनगञ्ज-जनपदेऽपि जनपद-स्तरीय-कार्यकर्तृणां कृते प्रशिक्षण-कार्यक्रमः आयोजितः अस्ति। अस्मात् पूर्वं मण्डल-स्तरे अपि प्रशिक्षण-कार्यक्रमः सम्पन्नः आसीत्।

पथ-निर्माण-मन्त्री उक्तवान् यत् प्रशिक्षण-कार्यक्रमस्य उद्देश्यं कार्यकर्तॄन् पक्षस्य नीतिभिः, सङ्घटनस्य कार्य-प्रणाल्या तथा जन-सम्पर्कस्य उपायैः परिचाययितुम् अस्ति। तेन उक्तं यत् भाजपा-पक्षस्य लक्ष्यं समाजस्य अन्तिम-जनपर्यन्तं सर्वकारस्य योजनानां विकास-कार्याणां च लाभं प्रापयितुम् अस्ति। तेन सूचितं यत् विभागीय-कार्याणां निरन्तरं समीक्षा क्रियते, येन विकास-कार्याणि अधिक-प्रभावीणि भवितुं शक्नुयुः। मार्ग-निर्माणे तथा आधारभूत-संरचना-क्षेत्रे गुणवत्ता तथा गतिः उभयोः विषये विशेष-ध्यानं दीयते।

कार्यक्रमस्य समये मन्त्रिणा ई.कुमार-शैलेन्द्रेण कार्यकर्तृभिः क्रमशः मिलित्वा सङ्घटनस्य सुदृढीकरणस्य विषये अनेके महत्त्वपूर्णाः विचाराः अपि प्रदत्ताः। कार्यक्रमे बहुसंख्यया भाजपा-कार्यकर्तारः पदाधिकारीणश्च उपस्थिताः आसन्।

Hindusthan Samachar / Divya Ranjan