Enter your Email Address to subscribe to our newsletters
आईआईटी कानपुरे त्रिदिवसीयक्षमतायाः निर्माणकार्यक्रमः आयोजितः
कानपुरम्, 18 मईमासः (हि.स.)।
क्षमता-निर्माण-कार्यक्रमाः कर्मचारिणां कार्य-दक्षतां व्यावसायिक-प्रदर्शनं च उन्नेतुं महत्त्वपूर्णां भूमिकां निर्वहन्ति। निरन्तराध्ययनस्य अनुभव-सहकारिणः च माध्यमेन संस्थागत-कार्य-संस्कृतिः दृढा भवति। एतानि वचनानि सोमवासरे भारतीय प्रौद्योगिकी संस्थान कानपुरस्य निदेशकः मणीन्द्रअग्रवालः उक्तवान्।
भारतीयप्रौद्योगिकीसंस्थान कानपुरसंस्थायां प्रशासनिक-वित्तीय-कर्मचारिणां कृते सोमवासरे त्रिदिवसीय-क्षमता-निर्माण-कार्यक्रमस्य आयोजनं सहकर्मि-प्रशिक्षण-एककस्य तत्वावधाने अभवत्। कार्यक्रमे भारतीय प्रौद्योगिकी संस्थान, भारतीय प्रबंधन संस्थान, भारतीय विज्ञान शिक्षा एवं अनुसंधान संस्थान, राष्ट्रिय प्रौद्योगिकीसंस्थानं, केन्द्रीय-विश्वविद्यालयाः, डीआईएटी्, एनएफएसयू, भारतीय कृषि अनुसंधान परिषद इत्यादिभ्यः देशस्य विभिन्न-प्रमुख-संस्थाभ्यः आगताः ७६ प्रतिभागिनः सहभागं कृतवन्तः।
कार्यक्रमस्य उद्घाटनं निदेशकः मणीन्द्र अग्रवालः अकरोत्। स्वीय-संबोधने तेन कार्य-दक्षता, व्यावसायिक-क्षमता तथा निरन्तर-अध्ययनस्य महत्त्वं विशेषतया प्रतिपादितम्। अस्मिन् अवसर उपनिदेशकः ब्रज भूषण संसाधन-व्यक्तीन् सम्मानयन् उच्च-शिक्षण-संस्थासु सहयोगस्य प्रशिक्षणस्य च आवश्यकता प्रतिपादितवान्।
कार्यक्रमस्य सञ्चालनं कुलसचिवस्य विश्व रंजन मार्गदर्शने सम्पन्नम्। प्रशिक्षण-सत्रेषु विभिन्न-संस्थाभ्यः आगताः विशेषज्ञाः स्वानुभवान् प्रशासनिक-वित्तीय-कार्येषु सम्बद्धां जानकारीं च प्रतिभागिभिः सह सहकृतवन्तः। भारतीय प्रौद्योगिकी संस्थान कानपुर संस्थायाः आन्तरिक-प्रतिभागिनः अपि प्रशिक्षणे सक्रिय-सहभागितां कृतवन्तः।
प्रतिभागिभिः संवादात्मक-सत्राणां, विषयाणां उपयोगितायाः तथा विभिन्न-संस्थासु अनुभव-सहभागिता-संचार-अवसराणां च प्रशंसा कृता। कार्यक्रमस्य समये उपलब्धाः आवास-भोजन-समन्वय-इत्यादयः व्यवस्थाः अपि प्रतिभागिभिः प्रशंसिताः। भारतीय प्रौद्योगिकी संस्थान कानपुर संस्थायाः कर्मचारि-प्रशिक्षण-एककसीमित-संसाधनेषु अपि कार्यक्रमस्य सफल-सञ्चालनं कृतवती।
उल्लेखनीयम् अस्ति यत् गत-वर्षेऽपि यूनिटद्वारा एतादृशी त्रिदिवसीया कार्यशाला आयोजिता आसीत्, या प्रतिभागिभिः अत्यधिकं प्रशंसिता। संस्थानस्य पक्षतः उक्तं यत् भविष्येऽपि एतेषां क्षमता-निर्माण-कार्यक्रमाणां आयोजनं भविष्यति, येन कर्मचारिणां कौशल-विकासः संस्थागत-कार्य-संस्कृतिश्च अधिका सुदृढा भविष्यतः।
----------------