Enter your Email Address to subscribe to our newsletters
ओस्लो, 19 मईमासः (हि.स.)।प्रधानमन्त्री नरेन्द्रमोदी स्वस्य षड्देशीयायाः पञ्चदिवसीयायाः विदेशयात्रायाः चतुर्थदिने सोमवासरे नार्वेदेशस्य राजधानीम् ओस्लो-नगरं प्राप्तवान्। ओस्लो-नगरं प्राप्ते सति नार्वेदेशस्य प्रधानमन्त्री योनासगारस्टोरे-महोदयः विमानस्थानके तस्य स्वागतं कृतवान्। चत्वारिंशद्वर्षेभ्यः अधिककालानन्तरम् एषा कस्यचित् भारतीयप्रधानमन्त्रिणः प्रथमा नार्वेयात्रा अस्ति।
प्रधानमन्त्री नरेन्द्रमोदी १९ मे-दिनाङ्के ओस्लो-नगरे आयोजिते तृतीयभारत-नॉर्डिक-शिखरसम्मेलने सहभागं करिष्यति। अस्मिन् अवसरे सः नॉर्डिकदेशानां नेतृभिः सह विविधद्विपक्षीय-क्षेत्रीयविषयेषु चर्चा करिष्यति।
प्रधानमन्त्री मोदी सामाजिकमाध्यममञ्चे एक्स इत्यत्र अलिखत् यत् सः ओस्लो-नगरं प्राप्तवान् तथा विमानस्थानके प्राप्तस्य उष्णस्वागतस्य कृते प्रधानमन्त्री योनासगारस्टोरे-महोदयस्य प्रति कृतज्ञः अस्ति। तेन उक्तं यत् चत्वारिंशद्वर्षेभ्यः अधिककालानन्तरम् एषा कस्यचित् भारतीयप्रधानमन्त्रिणः प्रथमा नार्वेयात्रा अस्ति तथा तस्य विश्वासः अस्ति यत् अनेन भारत-नार्वे-मैत्रीसम्बन्धेषु नूतना ऊर्जा संवर्धिता भविष्यति।
प्रधानमन्त्रिणा उक्तं यत् सः नार्वेदेशस्य राजा हेराल्डपञ्चम-महाराजेन तथा महाराण्या सोन्या-महोदयया सह मेलनंकरिष्यति तथा प्रधानमन्त्री योनासगारस्टोरे-महोदयेन सह द्विपक्षीयवार्तां अपि करिष्यति। १९ मे-दिनाङ्के ओस्लो-नगरे आयोज्यमानं तृतीयभारत-नॉर्डिक-शिखरसम्मेलनं नॉर्डिकदेशानां स्वसमकक्षनेतृभिः सह मिलनस्य महत्वपूर्णम् अवसरं प्रदास्यति।
---------------
Hindusthan Samachar / Dheeraj Maithani