Enter your Email Address to subscribe to our newsletters
भुवनेश्वरम्, 18 मईमासः (हि.स.)।
। नितिननवीनो भाजपा राष्ट्रियाध्यक्षः रविवासरे सायंकाले स्वस्य द्विदिवसीय-उडीशा-प्रवासाय भुवनेश्वर नगरम् आगच्छत्। भुवनेश्वर-विमानस्थानके भाजपा-नेतारः कार्यकर्तारश्च तस्य स्वागतं कृतवन्तः। मोहनचरणमाझी, उपमुख्यमन्त्री के वी सिंह देवः तथा प्रभाती परिडा, भाजपाराष्ट्रिय-उपाध्यक्षः वैजयंत पंडा, सांसदौ अपराजिता षडंगी तथा दिलीप राय सहिताः अनेके मन्त्रिणः विधायकाश्च पुष्पगुच्छान् समर्प्य तस्य अभिनन्दनम् अकुर्वन्। विमानस्थानक-स्वागत-समारोहोत्तरं नितिन नवीनः राजकीय-अतिथिगृहे रात्रि-विश्रामम् अकरोत्।
आधिकारिक-कार्यक्रमानुसारं नितिन नवीनः सोमवासरे भाजपा-राज्य-कार्यालये आयोज्यमानायां कोर-समितेः सभायां सहभागं करिष्यति। ततः परं सः जटनी-स्थिते एशियन-इन्स्टिट्यूट-ऑफ-फिजिकल-हेल्थ-एजुकेशन-परिसरे भुवनेश्वर-साङ्गठनिक-जिलया आयोज्यमानस्य जिला-स्तरीय-पण्डित-दीनदयाल-प्रशिक्षण-महाभियान-२०२६-शिविरस्य उद्घाटनं करिष्यति उद्घाटन-सम्बोधनं च दास्यति।
मध्याह्ने नितिननवीनः पुरी नगरं गमिष्यति, यत्र सः जगन्नाथ मंदिर मन्दिरे दर्शनं पूजार्चनां च करिष्यति तथा महाप्रसादं ग्रहणं करिष्यति। ततः परं सः पुनः भुवनेश्वरं प्रत्यागत्य राज्य-पदाधिकाऱिभिः, मोर्चा-अध्यक्षैः मन्त्रिपरिषदः सदस्यैश्च सह चर्चा करिष्यति।