प्रधानमन्त्रिणा दुर्घटनायां प्राणान् त्यक्तवतां जनानां परिजनान् प्रति संवेदना व्यक्ता, आहतेभ्यः शीघ्र-स्वास्थ्य-लाभस्य कामना च कृता।लखिमपुरखीरी- प्रधानमन्त्रिणा ‘एक्स’ माध्यमे उक्तं यत् लखीमपुर-खीरी-जनपदे जातां दुर्घटनां श्रुत्वा अत्यन्तं दुःखम् अभवत्। ये जनाः स्वप्रियजनान् अवाप्नुवन्, तान् प्रति मम प्रगाढाः संवेदनाः। आहतेभ्यः शीघ्रं स्वास्थ्य-लाभः भवतु इति मम कामना।

सहैव प्रधानमन्त्रिणा राष्ट्रिय-रक्षण-कोषतः मृतकानां परिजनेभ्यः द्वि-लक्ष-रूप्यकाणां अनुग्रह-राशेः घोषणा कृता। अपरं दुर्घटनायां आहतेभ्यः जनेभ्यः पञ्चाशत्-सहस्र-रूप्यकाणां आर्थिक-सहायता अपि प्रदास्यते।

उल्लेखनीयम् अस्ति यत् लखीमपुर-बहराइच-राजमार्गे सोमवासरस्य प्रातःकाले तीव्र-वेगेन धावमानयोः ट्रक-यानस्य वैन-यानस्य च आमुख-संघर्षः अभवत्। अस्याम् अत्यन्त-दुःखदायिनी-दुर्घटनायां अष्ट जनाः घटनास्थले एव मृताः, द्वौ जनौ च गम्भीररूपेण आहतौ इति कथ्येते। आहतानां चिकित्सालये उपचारः अद्यापि प्रचलति।

Hindusthan Samachar / Divya Ranjan