मेदिनीपुरम्, १८ मेमासः (हि.स.)। राज्ये सत्तापरिवर्तनस्य अनन्तरं राष्ट्रियस्वयंसेवकसंघेन सम्बद्धं शिक्षक-संघटनम् “अखिल-भारतीयराष्ट्रियशैक्षिकमहासंघः” पश्चिम-मेदिनीपुर-जनपदे सदस्यता-अभियानं तीव्रतया प्रवर्तितवान्। संघटनेन जनपदे १० सहस्र-शिक्षकान् सदस्यरूपेण संयोजयितुं लक्ष्यं निर्धारितम् अस्ति, तस्यां दिशि कार्यम् अपि आरब्धम् अस्ति।

प्राप्त-सूचनानुसारं चतुर्थ-मे-मासात् अनन्तरं केवलं १२ दिनेषु प्रायः त्रिशत-शिक्षकाः संघटने सम्मिलितुं आवेदन-पत्राणि प्राप्तवन्तः। अस्मात् पूर्वं जनपदे अस्मिन् संघटने केवलं प्रायः सार्धैक-शतं शिक्षकाः सम्बद्धाः आसन्।

संघटनस्य पश्चिम-मेदिनीपुर-जनपदाध्यक्षः देवाञ्जन-होड़ः उक्तवान् यत् पूर्वं तृणमूल-सर्वकारस्य काले संघटनात्मक-कार्येषु अनेकाः बाधाः आसन्। अधुना शिक्षकाः स्वयमेव अग्रे आगत्य संघटनेन सम्बद्धुं आवेदन-पत्राणि गृह्णन्ति। तेन उक्तं यत् जनपदे १० सहस्र-शिक्षक-शिक्षिकाः सदस्यत्वेन संयोजयितुं लक्ष्यं निर्धारितम् अस्ति।

अद्यतनकाले संघटनस्य राष्ट्रीय-कार्यकारिण्याः सभां कर्नाटके आयोजिता आसीत्, यस्मिन् राज्यस्य प्रतिनिधयः अपि सहभागिनः अभवन्। राज्य-समितेः सदस्यः विश्वनाथ-दासः अवदत् यत् सभायां “महिला-शक्ति” इत्यस्य विषये विशेष-बलं दातुं निर्णयः कृतः। अतः संघटने शिक्षिकाणां सहभागिता वर्धयितुम् अपि ध्यानं दास्यते।

तेन उक्तं यत् अस्य संघटनस्य उद्देश्यं शिक्षाक्षेत्रं राजनीतेः प्रभावात् मुक्तं कर्तुम्, अनुशासनयुक्तं श्रेष्ठ-अध्ययन-वातावरणं निर्मातुं तथा छात्र-शिक्षकयोः मध्ये गुरु-शिष्य-सदृशं सम्मानपूर्णं सम्बन्धं स्थापयितुम् अस्ति।

सदस्यता-अभियानस्य सफलतार्थं जनपद-समितेः सदस्येभ्यः विविध-ब्लॉक-क्षेत्राणां उत्तरदायित्वं दत्तम् अस्ति। ते ब्लॉक-चक्र-स्तरेषु शिक्षकान् सम्पर्क्य संघटनस्य कार्यप्रणाल्याः विषये सूचना प्रददति। ततः अनन्तरम् इच्छुक-शिक्षकेभ्यः सदस्यतार्थं आवेदन-पत्राणि प्रदीयन्ते।

संघटनस्य कथनानुसारं विकासखंडचक्रस्तरयोः अभियानस्य सम्पन्नतायाः अनन्तरं प्रत्येकस्मिन् विद्यालये अपि संघटनस्य विभागं स्थापयितुं योजना अस्ति।

Hindusthan Samachar / Divya Ranjan