रीयल-लाइफ-आईपीएस-अधिकारिणी सिमालाप्रसादस्याः चलचित्रस्य ‘द-नर्मदा-स्टोरी’ इत्यस्य दमदार-एंथम-सांग् प्रकाशितम् अभवत्। देशभक्त्या, वीररसेन तथा महिलासशक्तिकरणेन परिपूर्णम् एतत् गीतं मध्यप्रदेश-महिलापुलिसस्य साहसं संघर्षं च विशालरूपेण प्रस्तुतं करोति। एंथम-गीतस्य दृश्येषु सिमालाप्रसादा पुलिस-अधिकारिणी-रूपेण अपराधिनां विरुद्धं कार्यवाही कुर्वती दृश्यते, तथा लुप्तकन्यकाभिः सम्बद्धानि दृश्यानि चलचित्रस्य संवेदनशीलविषयस्य झलकं प्रदर्शयन्ति। गीतस्य शब्दाः भव्यप्रस्तुतिः च दर्शकेषु उत्साहं जनयन्ति।

एंथम-गीते राष्ट्रियपुरस्कार-विजेत्री अभिनेत्री अंजलिपाटिल, जरीनावहाब तथा अश्विनीकालसेकर अपि प्रभावशालीभूमिकासु दृश्यन्ते। अंजलिपाटिल पुलिस-कांस्टेबलस्य पात्रे दृश्यते, यदा जरीनावहाब सामाजिकआन्दोलनस्य नेतृत्वं कुर्वती दृश्यते। चलचित्रस्य दृश्येषु महिलाशक्तिः, संघर्षः तथा न्यायस्य संघर्षः अत्यन्तं प्रभावशालिरूपेण प्रदर्शितः अस्ति। गीतस्य संगीतं पीयूष-केवलाभ्यां निर्मितम्, यदा तस्य शब्दाः निर्देशकः जैगमइमामः अलिखत्।

निर्देशकः जैगमइमामः उक्तवान् यत् एषः एंथम केवलं गीतं न, अपितु महिलापुलिसायै तथा देशस्य प्रत्येकायै संघर्षशीलायै महिलायै श्रद्धाञ्जलिः अस्ति। सिमालाप्रसादा अपि एतत् स्वस्य कृते अत्यन्तं विशेषम् इति कथयन्ती अवदत् यत् अस्य गीतस्य माध्यमेन सा तासां महिलानां स्वरः भवितुम् इच्छति, याः साहसेन उत्तरदायित्वेन च स्वकर्तव्यं निर्वहन्ति।

एबी-इन्फोसॉफ्ट-क्रिएशन तथा गोल्डन-रेशियो इत्येतयोः बैनरयोः अन्तर्गतं निर्मिते अस्मिन् चलचित्रे सिमालाप्रसादा, अंजलिपाटिल, अश्विनीकालसेकर, जरीनावहाब, रघुबीरयादव, मुकेशतिवारी तथा इश्तियाकखानः प्रमुखभूमिकासु दृश्यन्ते। चलचित्रम् १२ जून-दिनाङ्के चलचित्रगृहेषु प्रदर्शितं भविष्यति।

Hindusthan Samachar / Dheeraj Maithani