Enter your Email Address to subscribe to our newsletters
शिमला, 18 मईमासः (हि.स.)।
पूर्वमुख्यमन्त्री तथा विपक्षनेता जयराम ठाकुर स्थानीयनिकायनिर्वाचनेषु भारतीयजनतापार्टीस्य प्रचण्डविजये प्रदेशवासिनां प्रति आभारं व्यक्तं कृत्वा एतत् मुख्यमन्त्रिणः सुखविन्द्र सिंह सुक्खू नेतृत्वयुक्तायाः कांग्रेससरकारस्य विरुद्धं स्पष्टजनादेशरूपेण निरूपितवान्।
सोमवासरे शिमलास्थिते भाजपामुख्यालये ‘दीपकमल’ इत्यत्र पक्षपदाधिकाऱिभिः कार्यकर्तृभिः सह विजयस्य उत्सवं मन्वानः जयरामठाकुरः उक्तवान् यत् प्रदेशस्य जनता कांग्रेससरकारस्य मिथ्यावादैः, जनविरोधिनीतिभिः, कुशासनेन च अत्यन्तं पीडिता जाता अस्ति। तेन आरोपः कृतः यत् प्रदेशे विधिव्यवस्था निरन्तरं बिगडति, माफियातत्त्वेभ्यः संरक्षणं दीयते तथा भ्रष्टाचारः शासनव्यवस्थां दुर्बलां कृतवान्।
विपक्षनेता उक्तवान् यत् स्थानीयनिकायनिर्वाचनानां परिणामैः एतत् स्पष्टं जातम् यत् जनता अधुना कांग्रेससरकारं सत्तातः बहिः कर्तुं मनः निर्मितवती अस्ति। सः मुख्यमन्त्रिणं लक्ष्यीकृत्य उक्तवान् यत् तस्मै निर्वाचनपरिणामानां पूर्वमेव आभासः आसीत्, अतः एव सरकारः निर्वाचनात् पलायमानाभवत् तथा न्यायालयस्य आदेशानन्तरमेव निर्वाचनानि कारयितुं बाध्यताम् अगच्छत्।
जयरामठाकुरः उक्तवान् यत् एषा विजयः केवलं भाजपायाः निर्वाचनसफलता नास्ति, अपितु प्रदेशवासिनां भाजपायाः प्रति विश्वासस्य तथा कांग्रेससरकारस्य विरुद्धं गम्भीरजनाक्रोशस्य प्रतीकः अस्ति। जनतया कांग्रेससरकारस्य भ्रमप्रचारराजनीतिः पूर्णतया निरस्ता अस्ति।
तेन अस्याः विजयस्य श्रेयः पक्षकार्यकर्तृणां, पदाधिकाऱिणां, समर्थकानां च परिश्रमाय दत्तम् तथा प्रदेशस्य जनतायै आभारः व्यक्तः। तेन विश्वासः व्यक्तीकृतः यत् आगामिनिर्वाचनेष्वपि जनता भाजपायै अधिकं समर्थनं दत्त्वा कांग्रेससरकाराय कठोरं प्रत्युत्तरं दास्यति।
अस्मिन् अवसरे भाजपाप्रदेशाध्यक्षः राजीव बिंदल, प्रदेशसंगठनमन्त्री सिद्धार्थन, प्रदेशकोषाध्यक्षः कमलसूदः, किसानमोर्चाध्यक्षः संजीवदेष्टा, मीडियासंयोजकः कर्णनन्दः तथा शिमलाजिलाध्यक्षः केशवचौहानः सहिताः अनेके पदाधिकारिणः कार्यकर्तारश्च उपस्थिताः आसन्।
---------------
Hindusthan Samachar / Dheeraj Maithani