सुपौलम्, 19 मईमासः (हि.स.)।

जनपदस्य बसन्तपुरप्रखण्डान्तर्गतस्य भगवानपुरपञ्चायत-सर्वकार-भवने मङ्गलवासरे प्रशासनस्य पक्षतः सहयोगशिविरम् आयोजितम्, यत्र विविधविभागानां अधिकारिणः ग्रामीणानां समस्याः श्रुत्वा तासां त्वरितसमाधानस्य दिशि कार्यवाहिं कृतवन्तः।

शिविरे विशालसभायां ग्रामीणाः उपस्थिताः अभवन् तथा स्वस्वसमस्यासम्बद्धानि आवेदनपत्राणि अधिकारिभ्यः समर्पितवन्तः। कार्यक्रमस्य उद्घाटनम् अधिकारिभिः जनप्रतिनिधिभिश्च संयुक्तरूपेण दीपप्रज्वालनं कृत्वा कृतम्। शिविरस्य उद्देश्यं ग्रामस्तरे एव जनानां समस्यासमाधानस्य उपलब्धिः आसीत्, येन लघुसमस्यानां कृते तेषां प्रखण्डमुख्यालयं जनपदमुख्यालयं वा पुनःपुनः गन्तुं न आवश्यकं भवेत्। शिविरस्य अध्यक्षतां कुर्वन् वरिष्ठ-उपसमाहर्ता अमितकुमारः उक्तवान् यत् सर्वकारस्य प्राथमिकता अस्ति यत् योजनानां लाभः समाजस्य अन्तिमव्यक्तेः पर्यन्तं प्राप्नुयात्। तेन उपस्थितान् अधिकारिणः निर्देशितवन्तः यत् जनसम्बद्धप्रकरणानां समयबद्ध-पारदर्शिरूपेण निष्पादनं सुनिश्चितं क्रियताम्।

शिविरे भूमिविवादाः, राशनकार्ड्, सामाजिकसुरक्षापेन्शन्, विद्युत्विभागः, श्रमविभागः इत्यादीनां अनेकविषयाणां श्रवणं कृतम्। सम्बद्धविभागानां अधिकारिणः प्राप्तेषु आवेदनपत्रेषु त्वरितकार्यवाहीं कृत्वा आवश्यकनिर्देशान् अपि दत्तवन्तः।

भगवानपुरपञ्चायतस्य मुखिया चन्दनरामः उक्तवान् यत् पञ्चायतस्तरे एतादृशानां शिविराणां आयोजनात् ग्रामीणेभ्यः महती सुविधा प्राप्यते। अपरतः बसन्तपुर-अञ्चलाधिकारी हेमन्तअङ्कुरः राजस्व-भूमिसम्बद्धप्रकरणानि गम्भीरतया श्रुत्वा आवश्यककार्यवाह्याः आश्वासनं दत्तवान्।

रतनपुर-थाना-प्रभारी पिण्टूकुमारः ग्रामीणेभ्यः सुरक्षा-विधिव्यवस्थासम्बद्धाः सूचनाः प्रदत्तवान्। एमओ विनयकुमारः तथा लेबर्-इन्स्पेक्टर् अमितकुमारः विभागीययोजनानां ताभ्यः प्राप्यमाणलाभानां च विषये विस्तरेण अवगतवन्तौ।

अस्मिन् अवसरे जिला-परिषद्-सदस्या अर्चनामेहता उर्फ किरणकुशवाहा, वीएस-सहायक-बन्दोबस्त-पदाधिकारी अविनाशकुमारः, कानूनगो शैलेशकुमारः सहिताः विविधविभागानां अधिकारिणः, कर्मचारिणः पञ्चायतप्रतिनिधयश्च उपस्थिताः आसन्।

Hindusthan Samachar / Dheeraj Maithani