कोलकाता, 19 मईमासः (हि.स.)। फलताविधानसभाक्षेत्रे २१ मई तिथौ भविष्यति मतदानात् पूर्वं मुख्यमन्त्री शुभेन्दुअधिकारी मङ्गलवासरे भाजपाप्रत्याशी देबांशुपण्डस्य समर्थनार्थं विशालं मार्गप्रदर्शनयात्राम्आयोजितवान्। प्रचार-अभियानस्य अन्तिमदिने शुभेन्दुः पुनरेकवारं फलताक्षेत्रम् आगत्य शक्तिप्रदर्शनस्य माध्यमेन निर्वाचनवातावरणं उष्णीकृतवान्।

तस्य आरम्भात् पूर्वं मुख्यमन्त्री फलतास्थिते शिवमन्दिरे पूजार्चनां कृत्वा आशीर्वादं प्राप्तवान्। ततः परं बङ्गनगर-द्विपञ्चायतक्षेत्रस्य हासीमनगरस्थितात् कालीतलाक्रीडांगणतो मार्गयात्रा आरब्धा।

मुख्यमन्त्रिणं द्रष्टुं मार्गस्य उभयतः विशालसंख्यया जनाः समागता आसन्। अनेकस्थलेषु जनैः तेषां प्रति पुष्पवृष्ट्या स्वागतं कृतम्। शुभेन्दुअधिकारी अपि निरन्तरं हस्तं चालयन् जनानां अभिवादनं स्वीकुर्वन् आसीत्। अत्यधिकसंमर्दकारणेन अनेकवारं मार्गयात्रायाः मन्दगतिः अभवत्।

रोड-शो अनन्तरं मुख्यमन्त्री भाजपाकार्यकर्ता स्वपनमण्डलस्य गृहम् गत्वा मध्याह्नभोजनस्य कार्यक्रमं निर्धारितवान्। भाजपापक्षस्य आरोपः अस्ति यत् २०२१ तमे वर्षे निर्वाचनोत्तरहिंसायाः समये स्वपनमण्डलस्य हत्या कृता आसीत्।

राजनीतिकवर्तुलेषु मन्यते यत् फलताउपनिर्वाचनं राज्यस्य राजनीतेः दिशां निर्धारयिष्यति इति न, किन्तु भाजपापक्षः स्वस्य स्थानसंख्यावृद्ध्यर्थं किमपि अवसरं न त्यक्तुम् इच्छति। एतदेव कारणं यत् शुभेन्दुअधिकारी निरन्तरं क्षेत्रे प्रचारकार्यं कुर्वन् अस्ति। अस्य पूर्वम् अपि सः शनिवासरे अत्र जनसभां सम्बोधितवान् आसीत्।

शनिवासरे आयोजितायां जनसभायां शुभेन्दुअधिकारी तृणमूलप्रत्याशी जहाङ्गीरखानं प्रति चेतावनीं दत्त्वा उक्तवान्— “प्रथमं मतदानं समाप्तुं दीयताम्, ततः परं अहं तस्य व्यवस्था करिष्यामि।”

मतदानानन्तरं विपक्षदलैः फलताविधानसभाक्षेत्रस्य अनेकेषु मतदानकेन्द्रेषु निष्पक्षमतदानस्य अभावस्य आरोपः कृतः आसीत्। शिकायतानां समीक्षायाः अनन्तरं निर्वाचनआयोगेन पुनर्मतदानस्य निर्णयः स्वीकृतः। फलताक्षेत्रे अधुना २१ मई तिथौ मतदानं भविष्यति, यदा मतगणना २४ मई तिथौ क्रियते।

Hindusthan Samachar / Dheeraj Maithani