Enter your Email Address to subscribe to our newsletters
नवदिल्ली, 19 मईमासः (हि.स.)।प्रधानमन्त्री नरेन्द्रमोदी मङ्गलवासरे नार्वेदेशस्य राजधानी ओस्लोनगरे नॉर्डिकदेशैः सह आयोजितात् तृतीयात् इण्डिया-नॉर्डिक-शिखरसम्मेलनात् पृथक् आइसलैण्डदेशस्य प्रधानमन्त्रिण्या क्रिस्ट्रून फ्रॉस्टाडॉटिर इत्यनया सह मिलितवान्। उभयोः नेतृयोः मध्ये द्विपक्षीयसम्बन्धानां अधिकसुदृढीकरणस्य विविधविषयेषु व्यापकचर्चा अभवत्।
विदेशमन्त्रालयस्य प्रवक्ता रणधीरजायसवालस्य अनुसारं बैठके भू-तापीय-ऊर्जा, नवीकरणीयऊर्जा, मत्स्यपालनम्, व्यापारः निवेशः च, नवाचारः, डिजिटल-प्रौद्योगिकी, रचनात्मक-अर्थव्यवस्था, आर्कटिक-सहयोगः तथा जनानां मध्ये सम्पर्कवृद्धिः इत्यादिषु विषयेषु विशेषरूपेण विचारविमर्शः कृतः। उभयपक्षाभ्यां भारत-ईएफटीए-व्यापार-आर्थिक-सहमतेः कार्यान्वयनात् उत्पद्यमानानां अवसराणाम् विषये अपि चर्चा कृता। एतदतिरिक्तं क्षेत्रीयवैश्विकविषयेषु अपि उभाभ्यां नेतृभ्यां स्वविचाराः विनिमयिताः।
प्रधानमन्त्री मोदी सामाजिकमाध्यमेषु एतां गोष्ठीं “उत्कृष्टाम्” इति वर्णयन् उक्तवान् यत् भारतः आइसलैण्डदेशेन सह स्वमित्रतां अत्यधिकमहत्त्वेन पश्यति। उभयदेशाभ्यां स्वच्छऊर्जा, मत्स्यपालनम्, सततविकासः, भू-तापीयऊर्जा, कार्बनग्रहणं भण्डारणं च इत्यादिषु अनेकक्षेत्रेषु सहयोगवृद्धेः उपायाः चर्चिताः। ब्लू-इकोनॉमी-सम्बद्धेषु क्षेत्रेषु आइसलैण्डदेशस्य विशेषज्ञता प्रशंसनीया अस्ति। अस्माकं अपेक्षा अस्ति यत् ऐतिहासिकः भारत-ईएफटीए-टीईपीए-सहमतिः व्यापारनिवेशसम्बन्धान् अपि नवीनगतिं प्रदास्यति।
-----------
Hindusthan Samachar / Dheeraj Maithani