पूर्वी-सिंहभूम, १९ मे-मासः (हि.स.)। आनन्द-मार्ग-प्रचारक-सङ्घस्य पक्षतः मङ्गलवासरे गदरा-आनन्द-मार्ग-जागृतौ आयोजिते महिला-स्वयंसेवक-प्रशिक्षण-शिविरे एकां भव्यां शोभायात्रां निष्कासिता। गदरा-गोविन्दपुर-क्षेत्रयोः मुख्य-सडकेषु निष्कासितायां अस्यां शोभायात्रायां बहुसंख्यया महिलाः सहभागिन्यः अभवन्। “बाबा नाम केवलम्” इति कीर्तनस्य मधुर-स्वरेण सह महिलाभिः सामाजिक-समरसतायै, विश्व-बन्धुत्वाय मानव-एकतायै च समर्थनरूपेण घोषाः कृताः।

शोभायात्रायाः समये “विश्वस्य नैतिकवादिनः एकीभवन्तु”, “विश्व-बन्धुत्वं स्थापितं भवतु” इत्यादिभिः घोषैः सम्पूर्णं क्षेत्रं गुञ्जितम्। यात्रायाः उद्देश्यं समाजे भ्रातृत्वं, समानता तथा आध्यात्मिक-चेतनायाः सन्देशस्य प्रसारणम् इति कथितम्।

प्रशिक्षण-शिविरं सम्बोधयन्त्यः आनन्द-मार्गस्य महिला-सन्यासिन्यः अवधूतिका-आनन्दनिष्ठा-आचार्या, अवधूतिका-आनन्दनम्रता-आचार्या तथा अवधूतिका-आनन्द-सहिष्णुता-आचार्या उक्तवन्त्यः यत् अध्यात्म-विहीना शिक्षा कदापि पूर्णा न भवितुम् अर्हति। ताभिः उक्तं यत् भारतीय-संस्कृतेः मूल-आत्मा आध्यात्मिकतायां निहिता अस्ति, किन्तु आधुनिक-भोगवादी-संस्कृतेः प्रभावेण समाजस्य नैतिक-सांस्कृतिक-मूलानि दुर्बलानि जातानि। अस्मात् कारणात् युवा-वंशः तथा बालकाः अपि भ्रमस्य स्थितिं प्रति गच्छन्ति।

सन्यासिन्यः वर्तमान-शिक्षा-व्यवस्थां अत्यधिक-भौतिकवादीं कथयन्त्यः उक्तवन्त्यः यत् अद्य समाजस्य नव्य-मानवतावादिन्याः ईश्वर-केन्द्रितायाः च शिक्षा-प्रणाल्याः आवश्यकता अस्ति। एतादृशी शिक्षा-व्यवस्था एव नैतिकता, आध्यात्मिकता तथा मानवतायाः मूल्यानि सुदृढानि कर्तुं शक्नोति तथा विश्व-बन्धुत्व-समानताभ्यां आधारितस्य समाजस्य स्थापना अपि सम्भवा भवति।

/ अंशु गुप्ता