Enter your Email Address to subscribe to our newsletters
- जनाः रोमांचकतां मंदिरं प्राप्नुवन्, महाआरत्यां हवने च सम्मिलिताः शतशश्श्रद्धालवः
धारः, 19 मईमासः (हि.स.)।
मध्यप्रदेशस्य धारजनपदमुख्यालये स्थितायां ऐतिहासिकायां भोजशालायां उच्चन्यायालयस्य भारतीयपुरातत्त्वसर्वेक्षणस्य च ऐतिहासिकनिर्णयानन्तरं मङ्गलवासरे ‘महासत्याग्रहः’ तथा ‘महाविजयमहोत्सवः’ आयोज्य अभवत्। विशालसंખ્યायां श्रद्धालवः आतिशबाजीं कुर्वन्तः भोजशालां प्राप्नुवन् तथा महाआरत्यां हवने च सहभागिनः अभवन्।
वास्तवतः मध्यप्रदेशोच्चन्यायालयस्य इन्दौरखण्डपीठेन स्वस्य ऐतिहासिकनिर्णये भोजशाला माता वाग्देव्याः मन्दिरम् इति स्वीकृतम्। ततः परं भारतीयपुरातत्त्वसर्वेक्षणेन अपि आदेशः निर्गत्य हिन्दूसमाजाय वर्षस्य त्रिषष्ट्यधिकत्रिशतदिनानि पूजनस्य अधिकारः प्रदत्तः। एतेन हिन्दूसमाजे महानुत्साहः दृश्यते। मङ्गलवासरे विशालसभायां श्रद्धालवः भोजशालापरिसरं प्राप्नुवन्। माता वाग्देव्याः पूजार्चनया अखण्डज्योतिस्थापनेन च आरब्धे आयोजने श्रद्धालवः आतिशबाजीं कृत्वा उत्सवं प्रकटितवन्तः।
प्रातःकालात् एव भोजशालायां भक्तेः श्रद्धायाश्च उल्लासः दृश्यते स्म। परिसरे आयोजितायां भजनसन्ध्यायां विशालसभायां श्रद्धालवः सहभागिनः अभवन्। हवनस्य महाआरत्याश्च अनन्तरं श्रद्धालवः प्रचुरमात्रायां आतिशबाजीं कृत्वा स्वस्य हर्षं प्रकटितवन्तः। सम्पूर्णे परिसरे जयघोषाणां मध्ये वसन्तपञ्चमी दीपावली च इव उत्सवः दृश्यते स्म। आयोजनस्य समये पुलिसप्रशासनस्य सुरक्षाव्यवस्था अपि पूर्णतया सुदृढा आसीत्।
भोजोत्सवसमितेः गोपालशर्मा इत्यनेन उक्तं यत् प्रतिमङ्गलवासरे भोजशालायां सत्याग्रहः भवति, किन्तु त्रिषष्ट्यधिकत्रिशतदिनेषु पूजनस्य आदेशानन्तरं एषः प्रथमः मङ्गलवासरः आसीत्। अतः अस्य नाम ‘महासत्याग्रहः’ इति कृतम्। सत्याग्रहस्य अनन्तरम् अखण्डज्योतिमन्दिरे आतिशबाजीं कृत्वा विजयमहोत्सवस्य आयोजनार्थं श्रद्धालवः स्वस्वगृहात् पटाखान् आनयन्तः आगतवन्तः।
भोजशालां प्राप्तानां श्रद्धालूनां जिह्वायां अधुना एकैव चर्चा वर्तते यत् माता वाग्देव्याः मूलप्रतिमा लण्डननगरात् पुनरानीयताम्। तेषां कथनम् अस्ति यत् मातुः आत्मा अत्र प्रतिष्ठिता अभवत्, अधुना शीघ्रमेव मूलस्वरूपस्यापि प्रतिष्ठा भवितुमर्हति।
चतुर्विंशतिघण्टापर्यन्तं विराजमानम् आसीत् मातुः स्वरूपम्
ज्ञातव्यं यत् रविवासरे हिन्दूसमाजेन माता वाग्देव्याः प्रतिकृतिस्वरूपस्य स्थापना कृत्वा सम्पूर्णदिवसं यावत् अनुष्ठानानि सम्पन्नानि। इतिहासे प्रथमवारं एतादृशं जातं यत् पूर्णचतुर्विंशतिघण्टापर्यन्तं मातुः स्वरूपं भोजशालायां विराजमानम् आसीत् तथा अखण्डज्योतिः प्रज्वलिता आसीत्। अधुना समाजेन प्रतिदिनम् अत्र मातुः पूजनं क्रियमाणं भविष्यति।
---------------