- मुख्यमंत्री भजनलाल शर्मणः प्रो-एक्टिवप्रविधिद्वारा खनन क्षेत्रे तीव्रतया वर्धते प्रदेशः

जयपुरम्, 19 मईमासः (हि.स.)।केन्द्रीयखान-कोयलामन्त्री जी. किशनरेड्डी उक्तवान् यत् राजस्थानराज्यं देशे क्रिटिकल्-मिनरल्स् इत्यस्य प्रमुखकेन्द्ररूपेण उदेति। देशे खननक्षेत्रे व्यापकसुधाराः सम्पन्नाः सन्ति तथा राजस्थानं अस्मिन् क्षेत्रे तीव्रगत्या अग्रे गच्छति।

जयपुरनगरे मुख्यमन्त्रिनिवासे मङ्गलवासरे आयोजितायां खान-कोयलाविभागस्य उपवेशने केन्द्रीयमन्त्री उक्तवान् यत् केन्द्रसर्वकारस्य दूरदर्शिनीतयः तथा ईज्-ऑफ्-डूइङ्ग्-बिजनेसस्य कारणेन क्रिटिकल्-मिनरल्स् इत्यस्य अन्वेषण-नीलामी-उत्पादनप्रक्रियासु तीव्रता आगता। तेन उक्तं यत् रक्षा, ऊर्जा, कृषिः, सौरं तथा ऑटोमोबाइल् इत्यादिक्षेत्रेषु क्रिटिकल्-मिनरल्स् इत्यस्य वर्धमानमाङ्गल्याः पूर्तेः क्षमता राजस्थाने विद्यमाना अस्ति। केन्द्रीयमन्त्री उक्तवान् यत् मुख्यमन्त्रिणः भजनलालशर्मणः प्रो-एक्टिव्-प्रविधेः कारणेन राजस्थानं खननक्षेत्रे शीघ्रतया प्रगच्छति। राज्ये खनिजसंसाधनानां वैज्ञानिकदोहने, निवेशानुकूलवातावरणे तथा पारदर्शिनीतिषु कारणेषु राजस्थानं देशस्य प्रमुखखननकेन्द्ररूपेण विकसितं भवति।

तेन उक्तं यत् केन्द्रराज्यसर्वकारयोः उत्तमसमन्वयेन खननक्षेत्रसम्बद्धविषयाणां समयबद्धसमाधानं सम्भवं भविष्यति, येन निवेशे उत्पादनयोः च वृद्धिः भविष्यति।

उपवेशने सिवाना-रिङ्ग्-कॉम्प्लेक्स् इत्यस्य विषये अपि विस्तृतचर्चा कृता। अवगतं कृतं यत् सिवाना-बालोतराजनपदयोः विस्तीर्णे अस्मिन् क्षेत्रे रेयर्-अर्थ्-एलिमेण्ट्स् तथा हेवी-रेयर्-अर्थ्-एलिमेण्ट्स् इत्येषां प्रचुरसम्भावनाः सन्ति, ये आधुनिक-प्रौद्योगिकी-स्वच्छऊर्जाक्षेत्रयोः कृते अत्यन्तमहत्त्वपूर्णाः मन्यन्ते।

मुख्यमन्त्री भजनलालशर्मा उपवेशने उक्तवान् यत् राजस्थानं खनिजसम्पदायाः विषये देशस्य अग्रणी-राज्येषु गण्यमानम् अस्ति। प्रदेशे द्व्यशीतिप्रकारकाः खनिजाः उपलब्धाः सन्ति, येषु सप्तपञ्चाशत्-खनिजानां वर्तमानकाले दोहनं क्रियते। तेन उक्तं यत् राज्यसरकारः खननक्षेत्रे पारदर्शिता, नीतिगतसुधाराः तथा आधारभूतसंरचनाविकासं सर्वोच्चप्राथमिकतया पश्यति। मुख्यमन्त्री अधिकारिभ्यः निर्देशान् दत्तवान् यत् केन्द्रसरकारेण सह समन्वयं स्थाप्य खननपरियोजनाः निर्धारितसमये पूर्णाः क्रियन्ताम्।

मुख्यमन्त्री भारतीयभूवैज्ञानिकसर्वेक्षणात् चिन्हित-साइट्स् इत्यासां सूचना राज्यसर्वकारेण सह सहकर्तुम् आग्रहं कृतवान्, येन तेषां क्षेत्राणां संरक्षणं सुनिश्चितं भवेत्। सहैव तेन पर्यावरणस्वीकृतिषु नीलामितखनिज-ब्लॉक्स इत्येषु च शीघ्र-उत्पादनारम्भे बलं दत्तम्।

उपवेशने ऊर्जाक्षेत्रं, सौरऊर्जा-परियोजनाः, डीएमएफ-फण्ड्, पर्यावरण-वन-स्वीकृतयः तथा विविधाः भूवैज्ञानिक-अन्वेषण-क्रियाकलापाः इत्येषु विषयेषु अपि चर्चा अभवत्। अस्मिन् अवसरे मुख्यसचिवः वी. श्रीनिवासः, अतिरिक्तमुख्यसचिवा अपर्णा-अरोड़ा सहिताः केन्द्रराज्यसर्वकारयोः वरिष्ठाधिकारिणः उपस्थिताः आसन्।

---------------

Hindusthan Samachar / Dheeraj Maithani