Enter your Email Address to subscribe to our newsletters
पटना, 02 मईमासः (हि.स.)। बिहारराज्ये मन्त्रिमण्डलविस्तारस्य विषये प्रवर्तमानासु अटकलासु शनिवासरे राजनीतिकचलनम् अधिकं तीव्रं जातम्, यदा मुख्यमन्त्री सम्राटचौधरी जनता दल यूनाइटेड दलस्य राष्ट्रियाध्यक्षं पूर्वमुख्यमन्त्रिणं च नीतीशकुमारं समागच्छत्। एतन्मेलनं पटनानगरे सप्त सर्कुलर रोड इति स्थाने स्थिते नीतीशकुमारस्य नूतननिवासे अभवत्, या शिष्टाचारमेलनम् इति कथ्यते।
प्रायः त्रिंशन्मिनिटपर्यन्तं सम्पन्नायां अस्यां संगोष्ठ्यां बिहारस्य उपमुख्यमन्त्री विजयकुमारचौधरी अपि उपस्थितः आसीत्। यद्यपि एतन्मेलनम्औपचारिका इति उक्ता, तथापि मन्त्रिमण्डलविस्तारेण सह सम्बद्धा इति मन्यते।
वास्तवतः बिहारराज्ये नूतनसर्वकारस्य गठनात् अधिकं पञ्चदशदिनानि अतीतानि, किन्तु अद्यापि मन्त्रिमण्डलस्य विस्तारः न जातः। अतः सर्वेषां विभागानां कार्यभारः अद्य तावत् मुख्यमन्त्रिणः तथा उभयोः उपमुख्यमन्त्रिणोः हस्तयोः एव अस्ति। तथापि सरकारेण द्वे मन्त्रिमण्डलबैठके कृत्वा अनेकानि महत्त्वपूर्णप्रस्तावानि अनुमोदितानि।
सूत्राणां अनुसारं मुख्यमन्त्री सम्राटचौधरी शीघ्रमेव सम्भाव्यमन्त्रिणां सूचीं गृहीत्वा दिल्लीनगरं गन्तुं शक्नोति, यत्र पक्षनेतृत्वेन सह अन्तिमचर्चायां कृत्वा मन्त्रिमण्डलविस्ताराय अनुमतिः दातुं शक्यते। अस्यैव क्रमस्य अन्तर्गतं शुक्रवासरे जदयू दलस्य कार्यकारीराष्ट्रियाध्यक्षः संजयझा दिल्लीनगरे भारतीयजनतापार्टी इति दलस्य राष्ट्रियाध्यक्षं नितिननवीनं समागच्छत्।
राजनीतिकविश्लेषकाणां मतम् अस्ति यत् बिहारराज्ये सत्तासन्तुलनं सहयोगिदलानां मध्ये समन्वयश्च दृष्ट्वा मन्त्रिमण्डलविस्तारप्रक्रियायां सावधानी अनुवर्त्यते। आगामिदिनेभ्यः अस्मिन् विषये महत्त्वपूर्णनिर्णयः सम्भवति।--------------
हिन्दुस्थान समाचार