Enter your Email Address to subscribe to our newsletters
नवदिल्ली, 02 मईमासः (हि.स)।
वाणिज्य-उद्योगमन्त्रालयस्य अधीनस्था एकः स्वायत्तसंस्था भारतीयं विदेशव्यापारसंस्थानं शनिवासरे स्वस्य त्रिषष्टितमं (६३) स्थापना-दिवसम् आचरत्। अस्मिन् अवसरे संस्थानेन निवृत्तकर्मचारिणः तथा पञ्चविंशतिवर्षपर्यन्तं सेवां सम्पन्नवन्तः कर्मचारिणः सम्मानिताः।
वाणिज्य-उद्योगमन्त्रालयेन प्रकाशिते वक्तव्ये उक्तं यत् अस्य कार्यक्रमस्य प्रमुखम् आकर्षणं संस्थानस्य नूतनस्य जालपुटस्य उद्घाटनम् आसीत्, यस्य उद्देश्यं छात्राणां, अध्यापकानां, शोधकर्तॄणां तथा हितधारकाणां कृते उपयोगानुभवं, सुलभतां तथा डिजिटल-संयोजनं वर्धयितुम् अस्ति।
अस्मिन् अवसरे केन्द्रीयवाणिज्य-उद्योगमन्त्री पीयूष गोयल ‘एक्स’ इति सामाजिकमाध्यमे सन्देशं प्रकाशित्य अभिनन्दनं प्रकटितवान्। सः भारतस्य अन्ता राष्ट्रियवाणिज्य-प्रबन्धन-क्षेत्रे संस्थानस्य निरन्तरं उत्कृष्टतां प्रशंसितवान् तथा वैश्विकवाणिज्ये नीति, अनुसन्धानं तथा क्षमता-निर्माणे अस्य प्रमुखां भूमिकां निरूपितवान्।
सः उक्तवान् यत् वाणिज्यशिक्षायां उत्कृष्टतायाः आधारस्य उपरि स्थापितम् एतत् संस्थानं युवा-मेधांसि परिवर्तित-वाणिज्य-परिदृश्याय सज्जीकर्तुं तथा वैश्विकवाणिज्ये भारतस्य भूमिकां सुदृढीकर्तुं समर्थान् कर्तुं महत्त्वपूर्णां भूमिकां निर्वहति।
मन्त्रालयस्य अनुसारम् अस्मिन् कार्यक्रमे संस्थानेन स्वस्य छात्रः लेफ्टिनेंट् कर्नल् त्रिवेदी परागकुमारः तस्य अनुकरणीयसेवायाः तथा उपलब्धीनां सम्मानार्थं ‘विशिष्ट-सेवा-पदक’ इति सम्मानं प्राप्तवान्।
अस्य समारोहस्य अन्तर्गतं शास्त्रीय-सांस्कृतिक-प्रस्तुतयः अपि अभवन्, अनन्तरं सम्मान-समारोहः आयोजितः, यस्मिन् निवृत्तकर्मचारिणः तथा पञ्चविंशतिवर्ष-सेवां सम्पन्नवन्तः कर्मचारिणः सम्मानिताः।
---------------
हिन्दुस्थान समाचार