Enter your Email Address to subscribe to our newsletters
लोहरदगा-नगरम्, ०२ मईमासः (हि.स.)। लोहरदगा-जनपदस्य किस्को-प्रखण्डे शनिवासरे जिला-विधिक-सेवा-प्राधिकरणेन (डालसा) मेगा-विधिक-सशक्तिकरण-शिविरेण सह पर्यावरण-जागरूकता-कार्यक्रमः आयोजितः।
अस्मिन् कार्यक्रमे झारखण्ड-उच्च-न्यायालयस्य न्यायमूर्तिः तथा लोहरदगा-न्यायमण्डलस्य प्रशासनिक-न्यायाधीशा अनुभा-रावत-चौधरी मुख्यातिथिरूपेण उपस्थिताभूत्। तया स्वसम्बोधने शिक्षां सफलतायाः कुञ्जिका इति उक्त्वा बालकेभ्यः स्वलक्ष्ये प्रति समर्पिताः भवितुम् आह्वानं कृतम्। तया उक्तं यत् खनन-प्रभावित-क्षेत्रेषु संतुलित-विकासः आवश्यकः अस्ति तथा शिक्षा-स्वास्थ्य-सुविधानां प्राधान्यं दातव्यम्।
न्यायमूर्त्या पर्यावरण-रक्षणे विशेषं बलं दत्त्वा उक्तं यत्— “एकः वृक्षः शत-पुत्र-समः भवति” इति, तथा खननोत्तरं अनिवार्यतया वृक्षारोपणं करणीयम्।
तया जनपद-उपायुक्ताय निर्देशः दत्तः यत् बालकानां शिक्षा, विद्यालयानां सुविधाः तथा स्थानीय-समस्यानां समाधानं प्राधान्येन क्रियेत। अस्मिन् काले तया ग्रामीणैः सह संवादः कृत्वा भूमेः, पेय-जलस्य, मार्गस्य च समस्याः अपि ज्ञाताः।
प्रधान-जिला-सत्र-न्यायाधीशः राजकमल-मिश्र उक्तवान् यत् एतेषां शिविराणां माध्यमेन जनकल्याणकारी-योजनाः अन्तिम-व्यक्तिपर्यन्तं प्रापयितुं शक्यन्ते।
उपायुक्तः संदीप-कुमार-मीना सर्वैः विभागैः सह समन्वयेन कार्यं कर्तव्यम् इति उक्त्वा अवदत् यत् शासकीय-योजनानां लाभः सर्वेषां आवश्यकतानुसारं जनानां पर्यन्तं प्रापणं प्रशासनस्य प्राथमिकता अस्ति। वन-प्रमण्डल-अधिकारी अभिषेक-कुमार अपि पर्यावरण-रक्षणस्य विषये बलं दत्त्वा अधिक-वृक्षारोपणस्य तथा अवैध-कटन-शिकारयोः निरोधस्य आह्वानं कृतवान्।
अस्मिन् कार्यक्रमे कृषि-विभागः, जेएसएलपीएस, उद्यान-विभागः, केवीके, बाल-विकास-विभागः, शिक्षा-विभागः, पेय-जल-स्वच्छता-विभागः, स्वास्थ्य-विभागः, मनरेगा, बैंकिंग-सेवा, पशुपालन-विभागः, मत्स्य-विभागः, समाज-कल्याण-विभागः च इत्यादिभिः विविधाः स्टॉलाः स्थापिताः, यत्र जनानां विविध-योजनानां विषये सूचना प्रदत्ता तथा लाभाः अपि वितरिताः। अस्मिन् अवसरे प्रायः ३०-कोटि-रूप्यकाणां परिसंपत्तीनां वितरणं कृतम्।
ततः पूर्वं कार्यक्रमस्य उद्घाटनं दीप-प्रज्वलनेन विधिवत् कृतम्। प्रखण्ड-मुख्यालये अतिथीनां कृते गार्ड्-ऑफ्-ऑनर् प्रदत्तः तथा पुष्प-गुच्छैः सत्कारः अपि कृतः।
अस्मिन् कार्यक्रमे प्रधान-जनपद-सत्र-न्यायाधीशः राजकमल-मिश्र:, उपायुक्तः संदीप-कुमार-मीना, पुलिस-अधीक्षकः सादिक-अनवर-रिजवी इत्यादयः अनेकाः वरिष्ठ-अधिकारिण: उपस्थिताः आसन्।
हिन्दुस्थान समाचार / अंशु गुप्ता