भुवनेश्वर-नगरम्, ०२ मईमासः (हि.स.)। बंगाल-खाडीमध्ये संभावित-निम्न-दाब-क्षेत्रस्य निर्माणसम्बद्धानां वार्तानां मध्ये ओडिशा-राज्यस्य राजस्व-आपदा-प्रबन्धन-मन्त्री सुरेश-पुजारी शनिवासरे अवदत् यत् राज्य-सर्वकारः कस्यापि चक्रवातस्य, वन्यायाः ऊष्ण-वायो: वा स्थितेः समक्षं कर्तुं पूर्णतया सज्जा अस्ति।

मन्त्रिणः एतत् वक्तव्यं तस्य प्रतिवेदनानां अनन्तरम् आगतम्, यत्र विविधैः वैश्विक-ऋतु-नमूनाभि: ११ तः १५ मईमासस्य मध्ये बंगाल-खाडीमध्ये निम्न-दाब-क्षेत्रस्य निर्माणस्य सम्भावना व्यक्ता। तथापि भारत-ऋतु-विज्ञान-विभाग: (आईएमडी) अद्यापि अस्मिन् विषये किमपि आधिकारिकं पुष्टिं पूर्वानुमानं वा न प्रकाशितवान्।

ओडिशा-राज्यस्य भौगोलिक-स्थितेः उल्लेखं कृत्वा पुजारी उक्तवान् यत् राज्यं प्राकृतिक-आपदां दृष्ट्या संवेदनशीलम् अस्ति। तेन उक्तं यत् अप्रैल-मासे सायंकालेषु प्रायः तीव्र वायु: भवति, यदा तु मईमासे चक्रवात-गतिविधीनां सम्भावना वर्तते।

तेन सूचितं यत् राज्यस्य आपदा-प्रबन्धन-तन्त्रं पूर्णतया सतर्कम् अस्ति तथा च कस्यापि आपत्कालीन-स्थितेः प्रभावी-रीत्या योद्धुं सज्जम् अस्ति। सर्वाः आवश्यक-सज्जा: सम्पन्नाः सन्ति, तथा च वन्या-चक्रवातादीनां कस्यापि परिस्थितेः समक्षं कर्तुं वयं पूर्णतया समर्थाः स्मः।

पुजारी इदमपि स्पष्टवान् यत् यद्यपि केषाञ्चन संस्थानां पूर्वानुमानानि सर्वथा विश्वसनीयानि न स्युः, तथापि सर्वकारः प्रत्येकां संचेतनां गम्भीरतया गृह्णाति तथा च निरन्तरं निरीक्षणं करोति।

हिन्दुस्थान समाचार / अंशु गुप्ता