रायपुर-नगरम्, ०२ मईमासः (हि.स.)। केन्द्रीय-सरकारस्य पीएम-राहत-योजनायाः अन्तर्गतं जनपदे महत्त्वपूर्णा उपलब्धिः अभिलेखिता अस्ति। अस्याः योजनायाः अन्तर्गतं मार्ग-दुर्घटनायां आहताय व्यक्तये अधिकतमं १.५ लक्ष-रूप्यकाणां यावत् निःशुल्क-चिकित्सा प्रदीयते। एषा सुविधा आयुष्मान-पञ्जीकृत-तथा-सर्वकारी-चिकित्सालयेषु प्रवर्तते। जनपदे मोतीबाग-चतुष्पथ-निवासी ८३-वर्षीयः स्माइल-खान इत्यस्मै अस्याः योजनायाः लाभः प्रदत्तः।

मुख्य-चिकित्सा-स्वास्थ्य-अधिकारी डॉ.मिथिलेश-चौधरी अवदत् यत् एषः राज्यस्य प्रथमः प्रसङ्गः अस्ति, यत्र लाभार्थिने योजनायाः अन्तर्गतं स्वीकृतिः प्रदत्ता अस्ति। तेन उक्तं यत् कलेक्टरः डॉ.गौरव-सिंहस्य मार्गदर्शनेन योजनायाः लाभार्थं सर्वा प्रक्रिया शीघ्रगत्या सम्पन्ना आरक्षक-सत्यापने आरक्षक-कमिश्नरः डॉ.संजीव-शुक्लः, आरक्षक-अधीक्षक-कार्यालयम् (ग्रामीण) तथा आरक्षक-विभागस्य सहयोगः आसीत्। जनपद-नोडल-अधिकारी डॉ.सार्थक-नन्दा समग्र-प्रक्रियायाः निरीक्षणं कृतवान्।

डी.के.एस.-चिकित्सालये अधीक्षिका डॉ.शिप्रा-शर्मा तथा उप-अधीक्षकः डॉ.हेमन्त-शर्मा इत्ययोः नेतृत्वे चिकित्सक-दलेन सर्वाणि आवश्यक-औपचारिकतानि समये सम्पन्नानि, येन लाभार्थिन: विना विलम्बं रुप्यक-प्रदानस्य स्वीकृतिः अभवत्। अधुना जनपदे अस्याः योजनायाः अन्तर्गतं दश प्रकरणानि लाभं प्राप्नुवन्ति।

प्रशासनं तथा स्वास्थ्य-विभागः संयुक्तरूपेण सुनिश्चितं कुर्वन्ति यत् योजनायाः लाभः पात्रेषु जनिषु सरलतया समये च प्राप्यते। जनपद-प्रशासनेन नागरिकेभ्यः आह्वानं कृतं यत् ते अस्याः योजनायाः विषये सूचनां प्राप्नुयुः तथा आवश्यकतानुसारं अन्यान् अपि तस्याः लाभग्रहणाय प्रेरयेयुः।

हिन्दुस्थान समाचार / अंशु गुप्ता