Enter your Email Address to subscribe to our newsletters
नवदिल्ली, 02 मईमासः (हि.स.)।विदेशराज्यमन्त्री कीर्तिवर्धनसिंहोऽमेरिकादेशस्य न्यूयॉर्क-नगरे ४ मईतः ८ मे पर्यन्तं संयुक्तराष्ट्र-महासभाया अधीनत्वे आयोज्यमाने द्वितीय-अन्ताराष्ट्रिय-प्रवासन-समीक्षा-मञ्चे (आईएमआरएफ) भारतीय-प्रतिनिधिमण्डलस्य नेतृत्वं करिष्यति।
अन्ताराष्ट्रिय-प्रवासन-समीक्षा-मञ्चः (आईएमआरएफ) प्रवासनविषये वैश्विक-समझौतेस्य कार्यान्वयनस्य तथा सतत-विकास-लक्ष्यैः सह तस्य अन्तरसम्बन्धस्य विषये चर्चा प्रगति-साझाकरणं च कर्तुं प्रमुखः अन्तर-सरकारी वैश्विक-मञ्चः इव कार्यं करोति।
द्वितीयः आईएमआरएफ २०२२ वर्षे आयोजितस्य प्रथमस्य आईएमआरएफस्य निरन्तरतया आयोज्यते। तस्मिन् भारतदेशेन सक्रियतया सहभागः कृतः आसीत् तथा स्वस्य प्रवासी-समुदायस्य हितरक्षण-संवर्धनयोः विषये महत्त्वपूर्णं योगदानं दत्तम्।
विदेशमन्त्रालयस्य अनुसारं अस्मिन् मञ्चे चत्वारि संवादात्मक-बहु-हितधारक-गोलमेज-सम्मेलनानि, एकः नीतिगत-विमर्शः, तथा एकं पूर्ण-सत्रं समाविष्टानि भविष्यन्ति। अस्य परिणामस्वरूपं प्रगति-घोषणा स्वीकृता भविष्यति।
अस्य यात्रायाः कालावधौ सिंहः न्यूयॉर्क-नगरे आयोज्यमाने आईएमआरएफस्य पूर्ण-सत्रे भारतस्य राष्ट्रीय-वक्तव्यं दास्यति। भारतदेशः आईएमआरएफ-अवसरे “प्रवासन-शासनमध्ये डिजिटल-नवोन्मेषस्य उपयोगः—भारतस्य ई-माइग्रेट-अनुभवः” इति शीर्षकेन सह-कार्यक्रमं आयोजयित्वा आतिथ्यं अपि करिष्यति।
अस्य यात्रायाः समये राज्यमन्त्री आईएमआरएफे सहभागीभूतानां अन्येषां सदस्य-देशानां वरिष्ठ-संयुक्तराष्ट्र-अधिकारिणः मन्त्रिणः च सह मिलित्वा वार्तालापं कर्तुं संभाव्यते।
-----------
हिन्दुस्थान समाचार