Enter your Email Address to subscribe to our newsletters
—शुक्रवासरे सायं वेदनया खिन्नतया च क्लिश्यमानः प्रदेश अध्यक्षो लखनऊ मेदांताचिकित्सालये नियुक्तः
वाराणसी, 02 मईमासः (हि.स.)। वाराणसीनगरस्य सांसदः भारतदेशस्य प्रधानमन्त्रिणः नरेन्द्रमोदी उत्तरप्रदेशकाङ्ग्रेसदलस्य अध्यक्षस्य अजय रायस्य शीघ्रस्वास्थ्यलाभं कामितवान्। शुक्रवासरे सायंकाले कार्यक्रमस्य मध्ये प्रदेशाध्यक्षस्य स्वास्थ्यं आकस्मिकरूपेण बिगडितम्। तस्मै उरःपीडा च अस्वस्थताभावः अनुभूतः, अतः सः लखनऊनगरे मेदान्ताचिकित्सालये प्रवेशितः, यत्र तस्य चिकित्सा प्रवर्तते।
शनिवासरे प्रधानमन्त्रिणा नरेन्द्रमोदिना स्वकीयाधिकारिकसामाजिकमाध्यमे “एक्स” इति स्थले लेखः प्रकाशितः, यस्मिन् सः अजय रायस्य स्वास्थ्यलाभस्य कामनां कृतवान्। तेन लिखितम्— “उत्तरप्रदेशकाङ्ग्रेसाध्यक्षस्य अजय रायस्य अस्वस्थतासम्बद्धं समाचारं प्राप्तम्। अहं तस्य शीघ्रं स्वास्थ्यलाभं कामये।”
उल्लेखनीयम् यत् अजय राय वाराणसीसंसदीयक्षेत्रात् प्रधानमन्त्रिणः नरेन्द्रमोदिनो विरुद्धं २०१४, २०१९, २०२४ इत्येषु लोकसभानिर्वाचनेषु स्पर्धितवान्। सः प्रधानमन्त्रिणः कट्टरविरोधी अस्ति, तथा वाराणसीभ्रमणेषु अपि सः प्रधानमन्त्रिणः विषये बहूनि प्रश्नानि प्रस्तौति। प्रधानमन्त्रिणः तीव्रालोचनायाः कारणेन सः अनेकवारं भाजपा इत्यस्य आईटीसेल इत्यस्य लक्ष्यं जातः।
प्रधानमन्त्री नरेन्द्रमोदी दलभेदात् उपरि स्थित्वा अस्वस्थावस्थायां प्रदेशाध्यक्षस्य शीघ्रस्वास्थ्यलाभं कामितवान्। तस्य एषः संवेदनशीलदृष्टिकोणः सामाजिकमाध्यमेषु जनैः प्रशंसितः। विशेषतया अजय राय स्वस्य राजनैतिकजीवनस्य आरम्भं भाजपा दलात् एव कृतवान्, तथा तेन तस्मात् दलात् त्रिवारं विधायकत्वं अपि प्राप्तम्।
हिन्दुस्थान समाचार