पटना, 20 मईमासः (हि.स.)।

बिहारप्रदेशकांग्रेससमितेः अध्यक्षः राजेशरामः आगामिषु २९, ३० तथा ३१ मई-दिनाङ्केषु प्रदेशकांग्रेसमुख्यालये सदाकतआश्रमे आयोज्यमानस्य ‘सर्वोदयसंकल्पशिविर’-प्रशिक्षणकार्यक्रमस्य सफलसञ्चालनार्थं एकस्य सञ्चालनसमितेः गठनम् अकरोत्।

पक्षस्य वरिष्ठनेता ब्रजेशप्रसादमुननम् अस्याः समितेः संयोजकत्वेन तथा अरविन्दचौधरीं सहसंयोजकत्वेन नियुक्तवान्।

सञ्चालनसमितेः अन्येषु सदस्येषु प्रो. कुमारीअनिता, राजीवशर्मा, राजेशरञ्जनपप्पू, इबरारराजा, खुशबूकुमारी, ब्रह्मप्रकाशः, पूनमयादवः, विनयरावः, नीतीशकुमारसिंहः, तारकचौधरी, प्रभुनाथरामः, विश्वनाथबैठा, सुशीलाचंद्रवंशी, श्वेतारामः तथा नन्दकिशोरयादवः समाविष्टाः कृताः।

अस्य प्रशिक्षणकार्यक्रमस्य मुख्योद्देश्यं राष्ट्रपिता महात्मागान्धिनः तथा पण्डितजवाहरलालनेहरू-महोदयस्य विचारधारां जन-जनं प्रति प्रसारयितुं तथा पक्षकार्यकर्तॄन् तयोः सिद्धान्तैः मूल्यैश्च अवगतं कर्तुम् अस्ति।

ज्ञातव्यं यत् ‘सर्वोदयसंकल्पशिविर’-कार्यक्रमस्य प्रथमचरणं गतस्य १८, १९ तथा २० अप्रैल-दिनाङ्केषु सदाकतआश्रमे आयोजितम् आसीत्, यस्मिन् प्रायः ४० अधिकाः पक्षनेतारः प्रशिक्षणं प्राप्तवन्तः आसन्।

Hindusthan Samachar / Dheeraj Maithani