Enter your Email Address to subscribe to our newsletters
शिमला, 20 मईमासः (हि.स.)।
मुख्यमन्त्री सुखविन्द्र-सिंह-सुक्खू स्वस्य कर्नाटक-प्रवासस्य समये आध्यात्मिक-गुरुणा श्री-श्री-रविशङ्करेण सह आत्मीय-भेटम् अकरोत्। अस्मिन् अवसरे श्री-श्री-रविशङ्करेण हिमाचल-प्रदेश-सर्वकारेण प्राकृतिक-कृषि, गो-संरक्षणं गो-संवर्धनं च क्षेत्रयोः क्रियमाणानां प्रयासानां प्रशंसा कृता।
मेलन-समये प्रदेशे स्थितस्य आश्रमस्य गतिविधीनां समाजहिताय क्रियमाणानां कार्याणां च विषये विस्तृता चर्चा अभवत्। मुख्यमन्त्री उक्तवान् यत् प्रदेश-सरकारः आश्रमाय सर्वसम्भवं सहयोगं प्रदास्यति, येन सेवा-आध्यात्मिक-मूल्यैः सम्बद्धानि कार्याणि अधिकं सुदृढानि भवितुम् अर्हन्ति।
मुख्यमन्त्री आश्रमे गो-सेवाम् अपि अकरोत्। तेन उक्तं यत् गो-सेवया मनसः अद्भुता शान्तिः, सकारात्मक-ऊर्जा आध्यात्मिक-अनुभूतिः च प्राप्ता। सहैव आश्रमे कार्यरतैः हिमाचल-प्रदेशस्य जनैः सह मिलित्वा तस्मै आत्मीयतायाः विशेषः अनुभवः अभवत्।
तेन उक्तं यत् सेवा, साधना संस्कारैः च परिपूर्णः एषः दिव्य-अनुभवः सदा स्मरणीयः भविष्यति।
मुख्यमन्त्री सुखविन्द्र-सिंह-सुक्खू एतेषु दिनेषु दक्षिण-भारत-भ्रमणे सन्ति। अस्मिन् काले तेन केरळ-राज्ये मुख्यमन्त्रिणः वीडी-सतीशनस्य शपथ-ग्रहण-समारोहे अपि सहभागिता कृता।
---------------