Enter your Email Address to subscribe to our newsletters
- आंध्र प्रदेशस्य कुरनूलस्य पार्श्वे रक्षानुसंधानविकाससंघठनपरीक्षणे दूरतायाम् उपलब्धिःप्राप्ता।
नवदिल्ली, 20 मईमासः (हि.स.)।भारतदेशः अधुना मानव-रहित-वायवीय-यानात् सूक्ष्म-निर्देशित-प्रक्षेपास्त्रं (यूएलपीजीएम)-वी३ प्रक्षेप्य शत्रोः ड्रोन-यानानि, उदग्रविमान-यानानि अन्यानि च वायवीय-लक्ष्याणि लक्ष्यीकर्तुं समर्थः अभवत्। आन्ध्र-प्रदेशस्य कुरनूल-नगरस्य समीपे स्थितायां डीआरडीओ-परीक्षण-परिसरे सम्पन्ने अन्तिम-विकास-परीक्षणे एषा उपलब्धिः प्राप्ता। डीआरडीओ-संस्थया वायु-तः-भूमि तथा वायु-तः-वायु आक्रमण-क्षमतायुक्तात् यूएवी-यानात् एते परीक्षणाः सम्पन्नाः।
रक्षा-अनुसन्धान-विकास-संगठनेन आन्ध्र-प्रदेशस्य कुरनूल-नगरस्य समीपे स्थितायां डीआरडीओ-परीक्षण-परिसरे वायु-तः-भूमि तथा वायु-तः-वायु आक्रमण-क्षमतायुक्तस्य मानव-रहित-वायवीय-यानात् प्रक्षेप्यमाणस्य सूक्ष्म-निर्देशित-प्रक्षेपास्त्रस्य -वी३ अन्तिम-परिष्कृत-विन्यासस्य विकास-परीक्षणानि सफलतया सम्पन्नानि। एतानि परीक्षणानि एकीकृत-भूमि-नियन्त्रण-प्रणाल्या माध्यमेन सञ्चालितानि, यस्य उद्देश्यं यूएलपीजीएम-आयुध-प्रणाल्याः प्रभावी आदेश-नियन्त्रणं सुनिश्चितं कर्तुम् आसीत्। एषा जीसीएस-प्रणाली अत्याधुनिक-प्रौद्योगिकीभिः सुसज्जिता अस्ति, या तत्परता, लक्ष्य-निर्धारणं प्रक्षेपण-प्रक्रियाश्च स्वचालितीकृत्य अभियानस्य दक्षतां सूक्ष्मतां च वर्धयति।
डीआरडीओ-संस्थया प्रक्षेपास्त्र-विकास-उत्पादनयोः कृते हैदराबाद-स्थिताभ्यां भारत-डायनामिक्स्-लिमिटेड् तथा अडाणी-डिफेन्स्-सिस्टम्-स्-एण्ड्-टेक्नोलॉजीज्-लिमिटेड् इत्येताभ्यां द्वाभ्यां उत्पादन-अभिकरणाभ्यां सह सहभागिता कृता अस्ति। वर्तमान-परीक्षणानां कृते एषा प्रणाली बेङ्गलूरु-स्थितया न्यूस्पेस्-रिसर्च्-एण्ड्-टेक्नोलॉजीज्-संस्थया विकसिते यूएवी-याने एकीकृता आसीत्। यूएलपीजीएम-प्रक्षेपास्त्रं हैदराबाद-स्थितेन इमारत-अनुसन्धान-केन्द्रेण नोडल-प्रयोगशालारूपेण अन्याभिः डीआरडीओ-प्रयोगशालाभिः सह संयुक्तरूपेण विकसितम्। तासु हैदराबाद-स्थितं रक्षा-अनुसन्धान-विकास-प्रयोगशाला (डीआरडीएल), चण्डीगढ-स्थितं टर्मिनल्-बैलिस्टिक्स्-अनुसन्धान-प्रयोगशाला (टीबीआरएल), पुणे-स्थितं उच्च-ऊर्जा-सामग्री-अनुसन्धान-प्रयोगशाला (एचईएमआरएल) च समाविष्टानि सन्ति।
रक्षा-मन्त्री राजनाथ-सिंहः डीआरडीओ, सार्वजनिक-क्षेत्र-उपक्रमान्, रक्षा-उत्पादन-सहभागिनः उद्योग-जगत् च यूएलपीजीएम-वी३ इत्यस्य सफल-परीक्षणानां कृते अभिनन्दितवान्। तेन उक्तं यत् टैंक-रोधी-भूमिकायै वायु-तः-भूमि तथा ड्रोन-यानानां, हेलीकॉप्टर-यानानां अन्येषां च वायवीय-लक्ष्याणां आक्रमणाय वायु-तः-वायु-रूपे अस्य सफलता रक्षा-क्षेत्रे आत्मनिर्भरता-दिशि महत्त्वपूर्णा रणनीतिक-उपलब्धिः अस्ति। रक्षा-अनुसन्धान-विकास-विभागस्य सचिवः डीआरडीओ-अध्यक्षश्च डॉ. समीर-वी.-कामत् परीक्षणैः सम्बद्धाः सर्वाः दलाः अस्य प्रशंसनीय-उपलब्धेः कृते अभिनन्दितवान्।
--------------------------
Hindusthan Samachar / Dheeraj Maithani