Enter your Email Address to subscribe to our newsletters
जौनपुरनगरम्, २० मे-मासः (हि.स.)। भारतीयजनतापार्टी-सङ्घटनस्य अग्रिमस्य “प्रशिक्षण-वर्गस्य” सफल-सुव्यवस्थित-आयोजनार्थं बुधवासरे भाजपा-जनपदकार्यालये जनपद-पदाधिकरिणां महत्त्वपूर्णा सज्जता-सभा आयोजिता।
मुख्यातिथिः पूर्व-जनपदाध्यक्षः वर्ग-सञ्चालन-समिति-प्रमुखश्च सुशील-उपाध्यायः अवदत् यत् भाजपायां नीतयः व्यक्त्या न, अपितु विचारधारया एव निर्धारिताः भवन्ति। प्रशिक्षण-वर्गाणां माध्यमेन कार्यकर्तारः सांस्कृतिक-राष्ट्रवादेन, एकात्म-मानववादेन, अन्त्योदय-सिद्धान्तैश्च परिचिताः कारयिष्यन्ते। सहैव आधुनिक-युगस्य आवश्यकतानां दृष्ट्या सामाजिक-माध्यमानां प्रौद्योगिक्याश्च सकारात्मक-उपयोगस्य प्रशिक्षणमपि प्रदास्यते।
जनपदाध्यक्षः अजीत-प्रजापतिः अवदत् यत् भारतीयजनतापक्षः एकं कैडर्-आधारितं सङ्घटनम् अस्ति, यत्र कार्यकर्तॄणां वैचारिक-साङ्घटनिक-विकासः प्रशिक्षण-वर्गैः भवति। तेन उक्तं यत् प्रत्येकं कार्यकर्तुः वैचारिक-परिष्कारस्य सर्वाधिक-प्रभावी-माध्यमं प्रशिक्षण-वर्गः एव अस्ति। अग्रिम-वर्गस्य सफलतार्थं सर्वेभ्यः पदाधिकरिभ्यः समयबद्ध-रीत्या दायित्व-निर्वहनस्य निर्देशाः दत्ताः।
जनपद-पत्रकार-प्रभारी आमोदसिंहः अवदत् यत् प्रशिक्षण-वर्गस्य सज्जतार्थं विभिन्न-समितीनां गठनं कृतम् अस्ति। शिक्षार्थिनां वक्तॄणां च निवास-भोजन-पञ्जीकरण-स्वागत-वाहन-स्थापन-सुरक्षा-मञ्च-सज्जा-कार्यक्रम-सञ्चालनादीनां कृते पृथक्-पृथक्-दलानां दायित्वं निर्धारितम् अस्ति। प्रशिक्षण-कालस्य प्रतिभागिनां दूरभाष-यन्त्राणि सुव्यवस्थित-रीत्या संग्रहीतुं विशेष-दलमपि निर्मितम् अस्ति, येन सर्वे कार्यकर्तारः एकाग्रचित्तेन सत्रेषु सहभागं कर्तुं शक्नुयुः।
सभायाः अन्ते जनपद-महामन्त्री अजयसिंहः सर्वेषां पदाधिकरिणः प्रति आभारं व्यक्तीकृत्य प्रशिक्षण-वर्गं भव्यं ऐतिहासिकं च कर्तुं संकल्पं पुनरुक्तवान्। सभायां जनपद-मण्डल-स्तरस्य अनेके पदाधिकारिणः उपस्थिताः आसन्।
Hindusthan Samachar / Divya Ranjan