Enter your Email Address to subscribe to our newsletters
गोरक्षपुरम्, २० मे-मासः (हि.स.)। योगी-आदित्यनाथः गुरुवासरे (२१ मे-मासे) रोइङ्ग-क्रीडकाणाम् उत्साहं वर्धयिष्यति। सः अत्र रामगढ़ताले आयोज्यमानस्य जूनियर-राष्ट्रीय-चैम्पियनशिप-प्रतियोगितायाः समापन-पुरस्कार-वितरण-समारोहे सहभागं करिष्यति। रोइङ्ग-क्रीडायाः द्वौ अन्तिम-प्रतियोगितौ दृष्ट्वा विजेतृभ्यः पुरस्कारान् प्रदास्यति तथा सम्बोधनद्वारा सर्वेषां क्रीडकाणां मार्गदर्शनं करिष्यति। अस्मात् पूर्वम् अक्टोबरमासे २०२४ तमे वर्षे आयोजितायाः सब-जूनियर-राष्ट्रीय-रोइङ्ग-चैम्पियनशिप-समापन-समारोहेऽपि क्रीडकाः मुख्यमन्त्रिणः प्रेरणां प्राप्तवन्तः।
रामगढ़तालं जलक्रीडानां राष्ट्रीय-मञ्चरूपेण स्थापयितुं श्रेयः मुख्यमन्त्रिणे योगी-आदित्यनाथाय एव गच्छति। विशालस्य तालस्य सौन्दर्यवर्धनेन सह सः तस्य समीपे ४९ कोटि-रूप्यक-व्ययेन निर्मितं विश्वस्तरीयं जलक्रीडा-सङ्कुलम् अपि प्रदत्तवान्। अस्य परिणामः अस्ति यत् अत्र क्रमशः रोइङ्ग-क्रीडायाः राष्ट्रीय-प्रतियोगिताः आयोज्यन्ते। केवलम् एतावत् न, अपि तु एशियाड् २०२६-प्रतियोगितायाः सज्जतायै रोइङ्ग-क्रीडायाः राष्ट्रीय-महिला-दलस्य प्रशिक्षण-शिविरम् अपि अत्र आयोजितम् अभवत्।
उत्तरप्रदेश-रोइङ्ग-सङ्घस्य सचिवः सुधीरशर्मा (रोइङ्ग-फेडरेशन-ऑफ-इण्डिया-संस्थायाः उपाध्यक्षः) अवदत् यत् रामगढ़ताले वर्तमानकाले प्रचलमाना जूनियर-राष्ट्रीय-रोइङ्ग-चैम्पियनशिप-प्रतियोगिता आयोज्यते, यस्मिन् आयोजकराज्यस्य उत्तरप्रदेशेन सह २० राज्येषु आगताः २७३ क्रीडकाः पदाधिकारीणश्च सहभागं कुर्वन्ति। अस्याः प्रतियोगितायाः समापनं २१ मे-मासे गुरुवासरे सायंकाले भविष्यति, यस्मिन् योगी-आदित्यनाथः विजेतृभ्यः पुरस्कारान् वितरिष्यति।
रामगढ़तालं जलक्रीडानां प्रमुखकेन्द्रं भवति—
• मे-मासे २०२३ तमे वर्षे खेलो-इण्डिया-विश्वविद्यालय-क्रीडासु रोइङ्ग-प्रतियोगितायाः आयोजनम् अभवत्। • अक्टूबरमासे २०२४ तमे वर्षे सब-जूनियर-राष्ट्रीय-रोइङ्ग-चैम्पियनशिप-प्रतियोगिता आयोजिता। • एशियाड् २०२६-प्रतियोगितायाः सज्जतायै मार्च-अप्रैल-मासयोः रोइङ्ग-राष्ट्रीय-महिला-दलस्य प्रशिक्षण-शिविरम् आयोजितम्। • १२ मे-मासतः १६ मे-मास-पर्यन्तं अस्मिता-राष्ट्रीय-महिला-रोइङ्ग-लीग्-स्पर्धा आयोजिता। • १७ मे-मासतः २१ मे-मास-पर्यन्तं ४६तम-जूनियर-राष्ट्रीय-रोइङ्ग-चैम्पियनशिप-प्रतियोगिता आयोज्यते।
Hindusthan Samachar / Divya Ranjan