Enter your Email Address to subscribe to our newsletters
लखनऊ, 20 मईमासः (हि.स.)।
केन्द्रस्य तथा प्रदेशस्य भारतीय जनता पार्टी सर्वकारः विकासं जनकल्याणं च प्राथमिकतया स्वीकृत्य समाजस्य अन्तिमपङ्क्तौ स्थितजनान् यावत् योजनानां लाभं प्रापयति। सरकारस्य नीतिनां उद्देश्यं दरिद्रान्, कृषकान्, महिलाः, श्रमिकान् तथा आवश्यकतायुक्तवर्गं मुख्यधारया सह संयोजयितुम् आसीत्। अस्मिन् कार्ये सफलतापि प्राप्ता। एताः उक्तयः उपमुख्यमन्त्री ब्रजेश पाठक उक्तवान्।
गोमतीनगर स्थिते भागिताभवने पण्डित-दीनदयाल-उपाध्याय-प्रशिक्षण-महाअभियान-२०२६ जिलाप्रशिक्षणवर्गकार्यक्रमः अभवत्। अस्मिन् अवसरे उपमुख्यमन्त्रिणा प्रदर्शिन्याः उद्घाटनं कृतम्। प्रशिक्षणकार्यक्रमे उपमुख्यमन्त्री ब्रजेश पाठक उक्तवान् यत् सरकारेण प्रधानमन्त्रि-आवास-योजनायाः अन्तर्गतं लक्षाधिकेभ्यः दरिद्रपरिवाराणां कृते पक्कगृहाणि प्रदत्तानि, येन जनानां वर्षाणां पुरातनं गृहस्वप्नं पूर्णम् अभवत्। तथा प्रधानमन्त्रि-आयुष्मान-भारत-योजनायाः माध्यमेन आर्थिकरूपेण दुर्बलपरिवाराणां कृते गम्भीररोगोपचाराय स्वास्थ्यसुरक्षाकवचं प्रदत्तम् अस्ति। अनेन दरिद्रपरिवाराणां महत् चिकित्साव्ययभारात् राहतिः प्राप्ता। प्रदेशसरकारेण केन्द्रस्य योजनाः पात्रलाभार्थिभ्यः प्रापयितुं विशेष-अभियानानि सञ्चालितानि। गर्भवतीमहिलानां नवजातशिशूनां च स्वास्थ्यं दृष्ट्वा विविधाः मातृ-शिशुकल्याण-योजनाः प्रभावीरूपेण कार्यान्विताः क्रियमाणाः सन्ति। अस्य अतिरिक्तं प्रत्येकगृहं यावत् स्वच्छपेयजलप्रदानस्य उद्देश्येन जलजीवनमिशनादियोजनासु तीव्रगत्या कार्यं प्रचलति।
तेन उक्तं यत् विकासस्य एषा यात्रा केवलं महानगरपर्यन्तं सीमिता नास्ति, अपितु ग्रामेषु, दरिद्रेषु तथा वञ्चितवर्गेषु योजनालाभं प्रापयित्वा आत्मनिर्भरं सशक्तं च समाजं निर्मातुं निरन्तरप्रयत्नाः क्रियन्ते। “सर्वेषां सहयोगः, सर्वेषां विकासः, सर्वेषां विश्वासः, सर्वेषां प्रयासः” इति मन्त्रेण सह सरकारः अग्रे गच्छति। अनेन समाजस्य प्रत्येकं वर्गस्य विकासस्य मुख्यधारया सह संयोजनं सुलभं भवति।
एतेषाम् उपस्थितिः आसीत्
कन्नौज जिलाध्यक्षः वीर सिंह भदौरिया, राज्यसभासांसदः तथा प्रदेशमहामन्त्री अमर पाल, प्रदेशमहामन्त्री राम प्रताप सिंह, पूर्वराष्ट्रीयमहामन्त्री राम शंकर कठेरिया, पूर्वसांसदः तथा पूर्वप्रदेशमहामन्त्री सुब्रत पाठक, राज्यमन्त्री (स्वतन्त्रप्रभार) असीम अरूण, राज्यमन्त्री कैलाश राजपूत, विधायकः छिबरामऊ तथा पूर्वराज्यमन्त्री अर्चना पाण्डेय, कन्नौज जिलापञ्चायताध्यक्षः प्रिया शाक्य, क्षेत्रीयोपाध्यक्षः भाजपा, कानपुर-बुन्देलखण्ड-क्षेत्रस्य आनन्द सिंह, क्षेत्रीयमन्त्री भाजपा, कानपुर-बुन्देलखण्ड-क्षेत्रस्य देवेन्द्र देव, पूर्वक्षेत्रीयमन्त्री तथा पूर्वजिलाध्यक्षः कन्नौज नरेन्द्र राजपूत, पूर्वविधायकः अरविंद प्रताप सिंह इत्यादयः बहुसंख्यककार्यकर्तारः उपस्थिताः आसन्।
सर्वकारस्य दरिद्रकल्याणस्य प्रमुखयोजनाः
प्रधानमन्त्रि-आवास-योजनायाः अन्तर्गतं चतुर्कोट्यधिकेभ्यः पात्रजनानां कृते पक्कगृहाणि प्रदत्तानि।
जलजीवनमिशनस्य अन्तर्गतं १५.६ कोटिपरिवारेभ्यः नल-जलस्य सुविधा प्रदत्ता।
प्रधानमन्त्रि-उज्ज्वला-योजनायाः अन्तर्गतं १०.३ कोट्यधिकेभ्यः एलपीजी-संयोजनानि प्रदत्तानि।
१२ कोटिसंख्यकानां शौचालयानां निर्माणं कृतम्।
आयुष्मान-भारत-योजनायाः अन्तर्गतं ४३.४ कोटि परिचयपत्राणि निर्मितानि। पञ्चलक्षपर्यन्तं निःशुल्क-चिकित्सासुविधा प्रदत्ता।
प्रधानमन्त्रि-सुरक्षा-जीवनज्योति-बीमा-योजनया दुर्घटना तथा जीवनबीमासुरक्षा प्रदत्ता।
प्रधानमन्त्रि-श्रमयोगी-मानधन-योजनायाः अन्तर्गतं ६० वर्षानन्तरं प्रतिमासं ३००० रूप्यकाणां निवृत्तिवेतनं प्रदीयते।
प्रधानमन्त्रि-मातृवन्दना-योजनायाः अन्तर्गतं गर्भवतीमहिलाभ्यः ५००० रूप्यकपर्यन्तं साहाय्यं प्रदीयते।
एनआरएलएम (आजीविका)-योजनया १० कोटि महिलाः संयोजिताः।
प्रधानमन्त्रि-मुद्रा-योजनायाः ३५ कोटि महिला-लाभार्थिनः सन्ति।
प्रधानमन्त्रि-मातृवन्दना-योजनायाः ४ कोटि लाभार्थिनः सन्ति।
महिला-ई-हाट-योजनया महिला-उद्यमिनां कृते ऑनलाइन-विपणिः उपलब्धा।
“बेटी बचाओ-बेटी पढ़ाओ” अभियानं सञ्चालितम्।
यूनां कृते कौशल-विकासः,जीविका तथा नवाचारः प्रोत्साहितः।
प्रधानमन्त्रि-कौशल-विकास-योजनायाः अन्तर्गताः १.६ कोटि युवानः प्रशिक्षिताः।
Hindusthan Samachar / Dheeraj Maithani