Enter your Email Address to subscribe to our newsletters
मध्यप्रदेशस्य मुख्यमन्त्री डॉ.मोहनयादवेन होल्कर-राजवंशस्य संस्थापकस्य सूबेदारस्य मल्हारराव-होल्करस्य पुण्यतिथौ तथा छायावाद-युगस्य प्रमुखकवेः सुमित्रानन्दन-पन्तस्य जयन्त्यां श्रद्धापूर्वकं नमनं कृतम्।
मुख्यमन्त्रिणा “एक्स” इत्यत्र उक्तं यत् मल्हारराव-होल्करः स्वस्य शौर्येण, वीर्येण तथा पराक्रमेण मालवा-प्रदेशस्य गौरवं वर्धितवान्। होल्कर-राजवंशः लोक-कल्याणाय प्रसिद्धः आसीत्, तथा तस्मात् प्रेरणां गृहीत्वा मध्यप्रदेशस्य विकासे सर्वे कार्यरताः स्युः इति सः उक्तवान्।
तथा एव सुमित्रानन्दन-पन्तस्य विषये सः उक्तवान् यत् छायावादी-साहित्ये तेषां महत्त्वपूर्णं स्थानम् अस्ति। तेषां रचनाभिः मानवतायाः नूतना दिशा प्रदत्ता, प्रकृत्या सह सामञ्जस्यस्य चेतना च जागरिता। पन्तस्य काव्येन साहित्यजगत् सदैव आलोकितं भविष्यति इति अपि मुख्यमन्त्रिणा श्रद्धांजलिः अर्पिता।
Hindusthan Samachar / अंशु गुप्ता