Enter your Email Address to subscribe to our newsletters
बर्दवान-जनपदः, २१ मे-मासः (हि.स.)। मुख्यमन्त्री शुभेन्दु-अधिकारी गुरुवासरे बर्दवान-जनपदस्य दुर्गापुर-नगरे स्थिते सृजनी-सभागृहे स्वस्य प्रथमां प्रशासनिक-समीक्षा-सभां करिष्यति। अस्यां सभायां पूर्व-बर्दवान:, पश्चिम-बर्दवान:, बीरभूम:, बांकुडा तथा पुरुलिया-इत्येतेषां पञ्च-जनपदानां प्रशासनिक-आरक्षक-अधिकारिभिः सह व्यापक-समीक्षां करिष्यते।
मुख्यमन्त्री गुरुवासरे प्रातः कोलकाता-नगरस्य चिनार-प्रांगण-स्थितात् स्व-निवासात् निर्गत्य प्रथमं बेलूर-मठं गमिष्यति। तत्र पूजार्चनां कृत्वा सः हावड़ा-जनपदाधिकारी-कार्यालयं प्राप्स्यति तथा अधिकारिभिः सह औपचारिक-साक्षात्कारं करिष्यति। ततः दमदम-विमानस्थानकात् विशेष-विमानेन अण्डाल-विमानस्थानकाय प्रस्थितः भविष्यति।
अण्डाल-विमानस्थानके आगमनानन्तरं दल-कार्यकर्तृभिः तस्य भव्य-स्वागतं करिष्यते। ततः सः स्थल-मार्गेण दुर्गापुर-स्थितं सृजनी-सभागृहं गमिष्यति, यत्र अपराह्णे द्वि-वादनतः प्रशासनिक-सभा आरभ्यते।
अस्यां महत्त्वपूर्ण-सभायां सम्बन्धितेषु पञ्च-जनपदेषु जनपदाधिकारी, आरक्षक-अधीक्षकाः, सर्वे प्रखण्ड-विकास-पदाधिकारिण: (बीडीओ) तथा थाना-प्रभारिणः इत्येतै: सह बहवः प्रशासनिक-अधिकारिणः उपस्थिताः भविष्यन्ति। सभा पूर्णतया गोपनीया स्थापिता अस्ति तथा बाह्य-जनानां सञ्चार-माध्यमानां च प्रवेशः निषिद्धः भविष्यति।
सभायाः अनन्तरं मुख्यमन्त्री पत्रकारैः सह वार्तालापं करिष्यति, ततः अण्डाल-विमानस्थानकात् विशेष-विमानेन पुनः कोलकाता-नगरं प्रत्यागमिष्यति।
मुख्यमन्त्रिणः अस्य भ्रमणस्य विषये आरक्षक-प्रशासनिक-विभागयोः विशेष-उत्साहः दृश्यते। समीप-दिनेषु आरक्षक-समर्थने तेन प्रदत्त-वक्तव्यैः अधिकारिषु सकारात्मक-अपेक्षा जागृता अस्ति।
राजनैतिक-प्रशासनिक-दृष्ट्या एतत् भ्रमणम् अत्यन्तं महत्त्वपूर्णः मन्यते, येन अग्रिम-समये क्षेत्रीय-विकासः प्रशासनिक-कार्यप्रणाली च नूतनां दिशां प्राप्स्यतः।
Hindusthan Samachar / Divya Ranjan