नव दिल्ली, 21 मईमासः (हि.स.)।पश्चिमएशियासंकटस्य कारणात् देशे पेट्रोलियमपदार्थानां मूल्यानां महङ्गायाश्च वृद्धिं प्रति काङ्ग्रेसमहासचिवः (सञ्चारः) जयरामरमेशः चिन्तां व्यक्तवान्। तेन उक्तं यत् भारतीयार्थव्यवस्थायाः स्थितिः एतावती दयनीया अभवत् यत् अधुना देशस्य आर्थिकनीतिषु महत् परिवर्तनम् आवश्यकम् अस्ति।

रमेशः उक्तवान् यत् भारतीयार्थव्यवस्थायाः स्थितिः एतावती दयनीया जाता यत् अधुना मोदीसर्वकारस्य समर्थकाः अपि सार्वजनिकरूपेण चिन्तां प्रकटयितुं आरब्धवन्तः। महङ्गायाः अनुमानानि तीव्ररूपेण वर्धन्ते, विकासदरस्य आकलनानि च न्यूनानि भवन्ति, प्रत्यक्षविदेशीनिवेशः निरन्तरं ह्रसति, आपूर्तिशृङ्खलानां प्रबन्धनं च एतावत् दुर्व्यवस्थितम् अस्ति यत् प्रधानमन्त्रिणा उपभोक्तृभ्यः उपभोगं न्यूनं कर्तुं प्रार्थना कर्तव्या अभवत्।

काङ्ग्रेसनेता उक्तवान् यत् निवेशस्य वातावरणं अत्यन्तं दुर्बलम् अस्ति तथा निजी-निवेशदरे कापि उल्लेखनीया वृद्धिः न अभवत्। तेन अस्य पृष्ठे बहूनि कारणानि निर्दिष्टानि, येषु वास्तविकवेतनस्य स्थिरता, उपभोक्तृमाङ्गल्याः न्यूनता, नीतिगतअस्थिरता, कराधिकाऱिणां छापामारिकार्येण उत्पन्नः भयः, चीनदेशात् आयातितानां सस्तनमूल्यानां वस्तूनां कारणेन स्वदेशि-उद्योगस्य हानिः, सर्वकारसमर्थिताधिग्रहणैः वर्धमाना एकाधिकारप्रवृत्तिः तथा कॉरपोरेट्-जगतः स्वतंत्रनिवेशस्य स्थाने राजनीतिकचन्दाद्वारा लाभार्जनप्रवृत्तिः च समाविष्टानि सन्ति।

रमेशः उक्तवान् यत् कॉरपोरेट्-भारतस्य करमितयः अभिलेखस्तरे न्यूनतमाः सन्ति तथा तेषां आयः अभिलेखस्तरे उच्चा अस्ति, अंशविपणिः अपि सुदृढा दृश्यते, किन्तु निवेशस्य गतिः लुप्ता अस्ति। तेन आरोपः कृतः यत् याः कम्पन्यः निवेशं कर्तुं समर्थाः सन्ति ताः देशात् बहिः निवेशं कुर्वन्ति। प्रधानमन्त्री जनतायै आश्वासनदानं उपदेशप्रदानं च कुर्वन् व्यस्तः अस्ति, यदा देशस्य आर्थिकाधारः दुर्बलः भवति।

---------------

Hindusthan Samachar / Dheeraj Maithani