औरैयानगरम्, २१ मे-मासः (हि.स.)। उत्तरप्रदेशस्य औरैया-जनपदे अजीतमल-कस्बा-क्षेत्रस्य सुदनीपुर-ग्रामस्थिते गमा-देवी-मन्दिर-परिसरे आयोजितायाः सप्तदिवसीय-श्रीमद्भागवत-कथायाः समापन-दिने गुरुवासरे श्रद्धा-भक्त्योः अद्भुतः संगमः दृष्टिगोचरः अभवत्। कथा-व्यासः आचार्य-लोकेश-शास्त्री भगवत: श्रीकृष्णस्य तस्य परमभक्तानां च मार्मिक-कथानां रसपानं कारयन् श्रद्धालून् भाव-विभोरान् अकरोत्। रुक्मिणी-कृष्ण-विवाहस्य तथा सुदामा-चरितस्य सजीव-प्रदर्शिन्य: उपस्थितानां जनानां मनांसि अमोहयन्।

कथायाः सप्तमे दिने ग्वालियर-नगरात्, मध्यप्रदेशात् आगतः आचार्य-लोकेश-शास्त्री रुक्मिणी-विवाहस्य, सुदामा-चरित्रस्य परीक्षित्-मोक्षकथायाश्च विस्तरेण वर्णनम् अकरोत्। सः उक्तवान् यत् भगवान् स्वभक्तानां प्रेम्णः बुभूक्षितः भवति तथा सत्यभक्तानां वशे एव तिष्ठति।

आचार्यः सुदामा-चरित्रस्य वर्णनं कुर्वन् अवदत् यत् भगवत: श्रीकृष्णस्य परमसखा सुदामा अत्यन्तं निर्धनः सन्नपि कदापि कस्यचित् समीपे किमपि न याचते स्म। सः निःस्वार्थभावेन निरन्तरं भगवन्तं स्मरति स्म। कथायां सः प्रसङ्गम् अश्रावयत् यत् एकदा भगवान् कृष्णः अत्यन्तं व्यथितः आसीत्। रुक्मिण्या कारणं पृष्टे भगवान् अवदत् यत् तस्य परममित्रस्य सुदाम्नः गृहे बहुदिनानि यावत् चुल्लिका न प्रज्वलिता, किन्तु सः इत्थं स्वाभिमानी अस्ति यत् किमपि न याचते।

आचार्यः अवदत् यत् गुरु-संदीपनि-आश्रमस्य अध्ययन-कालस्य समये कृष्ण-सुदाम्नोः प्रगाढा मैत्री अभवत्। एकस्मिन् प्रसङ्गे सः उक्तवान् यत् शीतात् पीड्यमानस्य सुदाम्नः कृते भगवान् कृष्णः स्वीयं पीताम्बरं दत्तवान्, अनन्तरं प्रेमवशात् तत् तस्मै उपहाररूपेण समर्पितवान्। सुदामा यदा यदा स्वमित्रं स्मरति स्म तदा तस्य पीताम्बरस्य दर्शनमात्रेण सः भावुकः भवति स्म। कथायाः मध्ये आचार्येण चनक-कथायाः अपि भावपूर्णं वर्णनं कृतम्।

सः अवदत् यत् एकस्याः वृद्धायाः शापस्य कारणात् सुदामा स्वयमेव चणकान् अभक्षयत्, यतः स्वमित्रस्य कृष्णस्य उपरि काचिद् विपत्तिः मा आगच्छेत्। अस्य त्यागस्य मैत्र्याश्च प्रभावेण भगवान् श्रीकृष्णः अन्ततः सुदाम्नः जीवनं सुख-समृद्ध्या परिपूर्णम् अकरोत्। सुदामा-कृष्णयोः मैत्री-कथा श्रुत्वा श्रद्धालूनां नेत्रेषु अश्रूणि समजनि, सम्पूर्णः मंच: भक्तिभावेन निमग्नः अभवत्।

कार्यक्रमे आयोजकाः उदयवीर-सिंहः, राशू-चौहानः, बलवीर-सिंहः, जयवीर-सिंहः, धनवीरः, यदुराम-सिंहः, शैलू, विनय-तिवारी, गोपालः, रवि-सेंगरः, ओमजी इत्यादयः क्षेत्रस्य युवानः ग्रामवासिनश्च व्यवस्थासु महत्त्वपूर्णां भूमिकां निर्वुढवन्तः।

Hindusthan Samachar / Divya Ranjan