अशोकनगरम्, 21 मईमासः (हि.स.)।मध्यप्रदेशस्य अशोकनगर स्थिते मानस भवन इत्यत्र आगामि २४ मई २०२६ तमे वर्षे (रविवासरे) अत्यन्तपावनः ऐतिहासिकः आध्यात्मिकसमागमः आयोजयिष्यते। अन्ताराष्ट्रियख्यातिप्राप्तया विशुद्धाध्यात्मिकसंस्थया श्रीरामशरणम् परिवार अशोकनगरजिले प्रथमवारं विशेषरामनामदीक्षा तथा श्रीअमृतवाणीसत्सङ्गस्य आयोजनं क्रियते।

श्रीरामशरणम् संस्थया गुरुवासरे एषा सूचना प्रदत्ता। संस्थया उक्तं यत् अयं कार्यक्रमः क्षेत्रस्य श्रद्धालूनां कृते आत्मिकशान्तेः आध्यात्मिकोन्नतेश्च अभूतपूर्वं मार्गं उद्घाटयिष्यति।

शताब्दीवर्षे अशोकनगराय प्राप्ता विशेषसौगातः — श्रीरामशरणम् संस्थायाः स्थापना १९२५ तमे वर्षे अभवत्, यस्याः अन्ताराष्ट्रियमुख्यालयः लाजपत नगर इत्यत्र स्थितः अस्ति। मानवमात्रं प्रभुरामस्य नाम्ना संयोज्य तेषां जीवनस्य कल्याणाय समर्पिता एषा संस्था रामकार्यं कुर्वन्ती सफलतया शतवर्षाणि पूर्णवती। अस्मिन् गौरवमये शताब्दीवर्षे अशोकनगरनिवासिनां कृते अस्याः विशुद्धाध्यात्मिकधारायाः सह संयोजनस्य एषः प्रथमः परमपावनश्च अवसरः प्राप्तः।

संस्थायाः मुख्योद्देश्यः — श्रीरामशरणम् संस्थायाः एकमात्रः परमः उद्देश्यः भ्रमितमानवमनसः रामनाममहिम्ना सह संयोजनम् अस्ति। अनेन माध्यमेन जनः सांसारिकव्यग्रतायाः मध्ये स्वस्य बहुमूल्यजीवने आध्यात्मिकोन्नतिं, मानसिकशान्तिं, परमानन्दं च प्राप्तुं शक्नोति। रामनाम्नः एषः पावनमन्त्रः जीवनस्य सर्वदुःखानि निवार्य परमकल्याणस्य मार्गं प्रशस्तं करोति।

कार्यक्रमस्य रूपरेखा (महत्त्वपूर्णविवरणानि):दिनाङ्कः — २४ मई २०२६ (रविवासरः)स्थानम् — मानसभवनम्, अशोकनगरम्समयः — सायं ५ वादनम्।

मुख्याकर्षणानि — सामूहिकश्रीअमृतवाणीपाठः, ध्यानम्, रामनामदीक्षा च।शुल्कम् — पूर्णतया निःशुल्कम् (अस्मिन् परमार्थकार्ये किमपि शुल्कं न देयम्)।

आयोजकैः विशेषप्रार्थना कृता यत् जनाः स्वयम् अपि स्वपरिवारैः सह आगच्छन्तु, अपरान् अपि आनयन्तु। श्रीरामशरणम् परिवारः समस्तधर्मप्रेमिजनान्, सामाजिकसंघटनानि, नागरिकांश्च करबद्धप्रार्थनया आह्वयति यत् निःशुल्करूपेण पतितपावनरामनाम्ना सह संयोजनस्य एतत् अलौकिकम् अवसरं स्वहस्तात् मा गच्छतु। अस्मिन् पावनपुण्यकार्ये सहभागीभूत्वा स्वमित्राणि, सम्बन्धिनः, स्वजनान्, पडोसीजनांश्च प्रेरयन्तु। तान् अपि कार्यक्रमे सह आनयन्तु, येन रामनाम्नः अस्याः पावनगङ्गायां निमज्ज्य ते केवलं स्वस्य न, अपितु अन्येषाम् अपि परमकल्याणं सुनिश्चितं कर्तुं शक्नुयुः।

---------------

Hindusthan Samachar / Dheeraj Maithani